ދުނިޔެ

އިސްލާމްއާބާދުގައި މުޒާހަރާ ކުރަމުންދާ ޢިމްރާން ޚާން ގެ ސަޕޯޓަރުންނަށް ސިފައިން ބަޑިން ހަމަލާދީފި

އިސްލާމްއާބާދުގައި މުޒާހަރާ ކުރަމުންދާ ޢިމްރާން ޚާން ގެ ސަޕޯޓަރުންނަށް ސިފައިން ބަޑިން ހަމަލާދީފި

މުޒާހަރާގެ ތެރޭގައި ސިފައިން ހަރަކާތްތެރިވަނީ

ޙަސްނާ އަޙްމަދް

ޙަސްނާ އަޙްމަދް

26 ނޮވެމްބަރު 2024، 08:01

26 ނޮވެމްބަރު 2024، 08:01

ޕާކިސްޠާނުގެ އިސްލާމްއާބާދުގައި މުޒާހަރާ ކުރަމުންދާ ޢިމްރާން ޚާންގެ ސަޕޯޓަރުންނަށް ޕާކިސްތާނުގެ ސިފައިން ބަޑިން ހަމަލާތަކެއް ދީފިއެވެ. 

ޕާކިސްޠާނުގައި މިހާރު ކުރަމުންދާ މުޒާހަރާ ތަކަކީ ޖަލަށް ލެވިފައިވާ އެޤައުމުގެ ކުރީގެ ބޮޑުވަޒީރު ޢިމްރާން ޚާން މިނިވަން ކުރުމަށް ގޮވައިލައި ކުރަމުންދާ މުޒާހަރާތަކެކެވެ. 

ސިފައިން މުޒާހަރާ ކުރަމުންދާ ޕާކިސްތާން ތަހްރީކޭ އެ-އިންސާފް (ޕީޓީއައި) ގެ މެމްބަރުންނަށް އަމާޒުކޮށް ބަޑިޖަހާ ކަރުނަ ގޭސް ފޮނުވާ ހަދައިފައިމިވަނީ ޕާކިސްޠާނުގެ ސަރުކާރުގެ އޮފީސްތަކާއި ޢިމާރާތްތައް ހުންނަ އިސްލާމް އާބާދުގެ ޑީ ޗޯކް އާއި ހަމައަށް މުޒާހަރާ ކުރާ މީހުން ވަދެގަތުމާއި އެކުއެެވެ. އެސަރަހައްދަކީ ރެޑް ޒޯންގެ ގެ ގޮތުގައި ފާހަގަކޮށްފައިވާ ސަރަހައްދެވެ.

ޕާކިސްޠާނުން ރިޕޯޓު ކުރަމުން އަލްޖަޒީރާގެ ރިޕޯޓަރު ޢާބިދް ޙުސެއިން ބުނެފައިވަނީ ރެޑް ޒޯންގައި ކޮންޓްރޯލް ސެކިޔުރިޓީ ފޯސްތަކުން ނަގައިފައިވާ ކަމަށެވެ. 

ޕީޓީއައި ގެ މުޒާހަރާތަކާ ގުޅިގެން އިސްލާމް އާބާދުގެ ބާޒާރުތައް ބަންދުކުރުމަށް ވެސް ސަރުކާރުގެ ކަމާބެހޭ އިދާރާތަކުން ވަނީ ވިޔަފާރިވެރިންނަށް އަންގައިފައެވެ. 

ޕާކިސްޠާނުގެ އިންޓީރިއާ މިނިސްޓަރު މުޙައްމަދު ނަޤްވީ ވިދާޅުވެފައިވެފައިވަނީ ރެޑް ޒޯންގައި މުޒާހަރާ ކުރުމުގެ ސަބަބުން މިހާތަނަށް 4000 މީހުން ހައްޔަރުކޮށްފައިވާ ކަމަށެވެ.

ހަމަނުޖެހުން ތަކާއި ގުޅިގެން 2 ފުލުހަކާއި 4 ސިޔާސީ މީހަކު މަރުވެފައިވާ ކަމަށާއި ގިނަ ޢަދަދެއްގެ ބަޔަކު ޒަޚަމްވެފައިވާ ކަމަށެވެ.

ޕާކިސްޠާނުގެ ކުރީގެ ބޮޑުވަޒީރު ޢިމްރާން ޚާން ޖަލަށް ލެވިފައިވަނީ  2018-2022 އަށް ހިނގި އޭނާގެ ދައުރުގެ ތެރޭގައި ބާރުގެ ބޭނުން ނުހައްޤުން ދައުލަތުގެ ބެލުމުގެ ދަށުގައި ހުރި ތަކެތި ގަވާއިދާ ހިލާފަށް ގަނެ ވިއްކި ކަމަށް އިލެކްޝަންސް ކޮމިޝަނުން ބުނެ އެވެ. އެސެޓް ކޮންސިލްމަންޓް ކޭސް ނުވަތަ ޓޮޝަޚާނާގެ ނަމުން މަޝްހޫރު މި ހަދިޔާތަކުގެ ތެރޭގައި ޝާހީ އާއިލާއަކުން ދިން ގަޑިތައް ހިމެނޭ ކަމަށް ތުހުމަތު ކުރެވޭ ކަމަށް ސަރުކާރުގެ އޮފިޝަލުން ބުނެ އެވެ.

2023 ވަނަ އަހަރުގެ އޮގަސްޓު މަހުގެ ތެރޭގައި ޢިމްރާން ޚާން ޖަލަށް ލުމަށް ޙުކުމް ކޮށްފައިވަނީ ޕާކިސްތާނުގެ ސަރުކާރަށް ބޭރުގެ ޤައުމުތަކުން ހަދިޔާގެ ގޮތުގައި ލިބުނު ތަކެތި ޢިމްރާން ޚާން 2018 ވަނަ އަހަރުން 2022 އާއި ހަމައަށް ބޮޑުވަޒީރު ކަން ކުރި ދުވަސްވަރު، ޤާނޫނާއި ޚިލާފަށް ވިއްކި ކަމުގެ ތުހުމަތުގައެވެ.

ޕީޓީއައިގެ މުޒާހަރާ ތަކާއި ގުޅިގެން ޢިމްރާން ޚާން ޖަލުން މިނިވަންވުން އަވަސް ވެދާނެ ކަމަށް ލަފާކުރެވޭ ކަަމަށް އެޕާޓީގެ ކެއަރޓޭކަރ ގޯހަރް ޚާން ވަނީ ވިދާޅުވެފައެވެ. ގޯހަރް ޚާން ވަނީ ޢާންމުންނަށް އަނިޔާވެރި ނުވުމަށް ސިފައިންނަށް ގޮވައިލައިފައެވެ. އަދި ޕީޓީއައިގެ މެމްބަރުންނަށް ސުލްޙަވެރިކަމާއެކު އަޑުއުފުލުމަށް ވަނީ ގޮވައިލައިފައެވެ. 

ޢުމުރުން 71 އަހަރުގެ ޢިމްރާން ޚާން ޕާކިސްތާނުގެ ބޮޑު ވަޒީރުކަމުން ދުރުކޮށްފައިވަނީ ޕާކިސްތާނުގެ ޤާނޫނު ހަދާ މަޖިލީހުން އޭނާގެ އިތުބާރުނެތް ކަމުގެ ވޯޓު ނަގައިގެން 2022 ވަނަ އަހަރުގެ އޭޕްރީލް މަހުއެވެ.

މި ލިޔުން ކިޔާލުމުން

Ads by MSS