ޚަބަރު
10 އަހަރުގެ އަންހެން ކުއްޖަކަށް ޖިންސީ ގޯނާ ކުރި މީހާގެ ބަންދުގެ މުއްދަތު ޖަހައިފި

ކުޑަކުދިންނަށް ޖިންސީ ގޯނާ ކުރުމާ ދެކޮޅަށް ބޭއްވި މުޒާހަރާއެއް. ފޮޓޯ: ޕީއެސްއެމް
10 އަަހަރުގެ އަންހެން ކުއްޖަކަށް ޖިންސީ ގޯނާ ކުރި މައްސަލާގައި ދެކުނު ސެންޓްރަލް ޕޮލިސްގެ ބެލުމުގެ ދަށުގައިވާ ރަށަކަށް ނިސްބަތްވާ ރަށަކުން ހައްޔަރުކުރި މީހާގެ ބަންދުގެ މުއްދަތު ޖަހައިފިއެވެ.
މިމައްސަލާގައި ހައްޔަރުކުރި 51 އަހަރުގެ ފިރިހެން މީހާގެ ބަންދާއި މެދު ގޮތެއް ނިންމުމަށް ކޯޓަށް ހާޒިރުކުރުމުން އޭނާގެ މައްޗަށް ޖަހައިފައިވަނީ 30 ދުވަހުގެ މުއްދަތެެކެވެ.
މިމައްސަލަ ފުލުހުންނަށް ރިޕޯޓު ކޮށްފައިވަނީ 25 ނޮވެމްބަރު 2024 ގައި ކަމަށް ފުލުހުން ވަނީ ބުނެފައެވެ.
ކުޑަކުދިންނާއި ގުޅޭ މައްސަލަތަކަކީ ސީރިއަސް މައްސަލަ ތަކަކަށް ވާތީ، ކުއްޖާގެ ވަނަވަރު ރައްކާތެރިކުރުމުގެ ގޮތުން ކުއްޖާގެ އަތޮޅާއި ރަށް ހާމަނުކުރަން ފުލުހުން ވަނީ ނިންމާފައެވެ.