އާއިލާތަކުގެ ބިންގަލަކީ ބެލެނިވެރިންގެ މިންނެތް މަސައްކަތް: ރައީސް މުޢިއްޒު

 ދިވެހި ބެލެނިވެރިން ކުރައްވާ މިންނެތް މަސައްކަތާއި ވަމުންދާ ޤުރުބާނީތަކަށް، ބައިނަލްއަޤްވާމީ ބެލެނިވެރިންގެ ދުވަހުގެ  މުނާސަބަތުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ޝުކުރު އަދާކުރައްވައިފިއެވެ.

 މި ދުވަހާ ގުޅިގެން  އެކްސްގައި ކުރެއްވި ޕޯސްޓެއްގައި ރައީސް ވިދާޅުވީ، އާއިލާތަކުގެ ބިންގަލަކީ ބެލެނިވެރިންގެ އަމިއްލަ އެދުމެއްނެތް ވަފާތެރިކަމާއި މުޅި އުމުރަށްޓަކައި ވާ ޤުރުބާނީތައް ކަމަށެވެ.

ރައީސްގެ މެސެޖުގައި އިތުރަށް ފާހަގަކުރެއްވި ގޮތުގައި، ބެލެނިވެރިންގެ ލޯތްބާއި ހިތްވަރަކީ އަންނަން އޮތް ޖީލުތައް ބައްޓަންކޮށްދޭ އަދި ޤައުމުގެ ވަރުގަދަކަން ދަމަހައްޓައިދޭ މައިގަނޑު އަސާސެވެ. ދިވެހި މުޖުތަމައުގައި ބެލެނިވެރިން އަދާކުރާ މުހިންމު ދައުރު ބަލައިގަނެ، އެ ފަރާތްތަކާއެކު ސަރުކާރު ސާބިތުކަމާއެކު އޮތްކަން އެ މަނިކުފާނު ހާމަކުރެއްވިއެވެ.

މި ސަރުކާރުން ބެލެނިވެރިންނަށް އެހީތެރިކަން ފޯރުކޮށްދިނުމަށާއި ކޮންމެ ކުއްޖެއްގެ މުސްތަޤުބަލު ރައްކާތެރިކުރުމަށް ދެމިއޮންނާނެ ކަމުގެ ޔަޤީންކަން ރައީސް މުޢިއްޒު ދެއްވިއެވެ. މިގޮތުން ތަޢުލީމާއި، ޞިއްޙީ ދާއިރާ އަދި އިޖުތިމާއީ ޕްރޮގްރާމްތަކަށް އިންވެސްޓްކޮށް، އާއިލީ ގުޅުންތަކަކީ މުޖުތަމައުގެ އެންމެ މުހިންމު ބިންގާ ކަމަށް ދެކޭ ދިވެހި އާދަކާދަ ދެމެހެއްޓުމަށް މަސައްކަތް ކުރައްވާނެ ކަމަށް ވިދާޅުވިއެވެ.

"ބެލެނިވެރިންގެ ލޯތްބާއި ހިތްވަރަކީ އަންނަން އޮތް ޖީލުތައް ބައްޓަންކޮށްދޭ އަދި ގައުމުގެ ވަރުގަދަކަން ދަމަހައްޓައިދޭ ބާރު،" ރައީސްގެ މެސެޖުގައި ބަޔާންކުރައްވާފައިވެއެވެ.

On this #GlobalDayofParents, we honour the selfless commitment of parents whose lifelong sacrifice nurtures the foundation of our families. Their love and resilience shape future generations, the strength of our nation, and we stand together for parents in recognizing their vital… pic.twitter.com/sfeR9ML962

— Dr Mohamed Muizzu (@MMuizzu) June 1, 2026

ބައިނަލްއަޤްވާމީ ބެލެނިވެރިންގެ ދުވަހަކީ ކޮންމެ އަހަރަކުވެސް ބެލެނިވެރިން ދަރިން ތަރުބިއްޔަތު ކުރުމުގައި ކުރާ ބުރަ މަސައްކަތުގެ އަގުވަޒަން ކުރުމުގެ ގޮތުން ފާހަގަކުރާ ދުވަހެކެވެ.