ހަރުދަނާ އާއިލާއެއްގެ ބިންގަލަކީ މައިންބަފައިންގެ ގުރުބާނީ - މެޑަމް ސާޖިދާ

ދުނިޔޭގެ މައިންބަފައިންގެ ދުވަހުގެ މުނާސަބަތުގައި، ރައީސުލްޖުމްހޫރިއްޔާގެ އަނބިކަނބަލުން މެޑަމް ސާޖިދާ މުޙައްމަދު، މައިންބަފައިން ކުރައްވާ މިންނެތް މަސައްކަތްތަކަށާއި ވެވަޑައިގަންނަވާ ގުރުބާނީތަކަށް ތައުރީފު ކުރައްވައި މެސެޖެއް ފޮނުއްވައިފިއެވެ.

މިއަދު ފާހަގަކުރަމުންދާ ބައިނަލްއަޤްވާމީ މައިންބަފައިންގެ ދުވަހާ ގުޅިގެން ސޯޝަލް މީޑިއާގައި ދެއްވި މެސެޖެއްގައި މެޑަމް ސާޖިދާ ވިދާޅުވީ، ދަރިން ބިނާކުރުމުގައި މައިންބަފައިން ބަހައްޓަވާ ލޯތްބާއި، ކެތްތެރިކަމާއި، އަދި ވެވަޑައިގަންނަވާ ގުރުބާނީތަކަކީ ވަރުގަދަ އާއިލާއެއްގެ ބިންގާ ކަމަށެވެ. އަދި އެއީ އޯގާތެރި މުޖުތަމައެއް ބިނާކުރުމުގެ އަސްލު ކަމުގައިވެސް އެކަމަނާ ފާހަގަކުރެއްވިއެވެ.

ދިވެހިންގެ ގޮތުގައި، އަޅުގަނޑުމެން އަބަދުވެސް އާއިލީ ގުޅުންތަކަކީ އަޅުގަނޑުމެންގެ މުޖުތަމައުގެ ހިތްކަމުގައި ދެކެމުން އަންނަ ކަމެއް،

      ފަސްޓްލޭޑީ 

އެކަމަނާގެ މެސެޖުގައި އިތުރަށް ބަޔާންކުރައްވާފައިވަނީ، ކޮންމެ ކުއްޖަކީވެސް އަޅާލުމާއި، ރައްކާތެރިކަމާއި، އަދި ފުރުސަތުތައް ލިބިގެން ބޮޑުވާ ކުއްޖަކަށް ހެދުމަށްޓަކައި، މައިންބަފައިންނަށް ބޭނުންވާ އެހީތެރިކަމާއި އެއްބާރުލުން ފޯރުކޮށްދިނުމަކީ މުޖުތަމައުގެ އެންމެންގެ ޒިންމާއެއް ކަމަށެވެ. އަދި މައިންބަފައިން އަދާކުރާ މުހިންމު ދައުރު ފާހަގަކޮށް، އެކަން ފާހަގަކުރުމަށް އެކަމަނާ ގޮވާލެއްވިއެވެ.

މި ދުވަސް ފާހަގަކުރުމުގެ މައިގަނޑު މަގުސަދަކީ ދަރިން ބޮޑުކުރުމުގައި މައިންބަފައިން އުފުލާ ބުރަ މަސްއޫލިއްޔަތު ވަޒަންކޮށް، އާއިލީ ގުޅުންތައް ބަދަހިކުރުމަށް ބާރުއެޅުމެވެ.

On this #GlobalDayofParents, I stand with all parents whose love, patience, and sacrifice nurture the lives of our children. Their devotion is the foundation of strong families and a compassionate society.

As Maldivians, we cherish the bond of family at the heart of our… pic.twitter.com/dmDseV1OU0

— First Lady Sajidha Mohamed (@sajidhaamohamed) June 1, 2026