ފިނޭންސް މިނިސްޓަރު އިސްތިއުފާދެއްވައިފި

މާލީ ކަންކަމާއި ސަރުކާރުގެ ކުންފުނިތަކާ ބެހޭ ވަޒީރު މޫސާ ޒަމީރު އިސްތިއުފާދެއްވައިފިއެވެ.

މިނިސްޓަރ އޮފް ފިނޭންސް އެންޑް ޕަބްލިކް އެންޓަރޕްރައިޒަސް ޒަމީރު އިސްތިއުފާ ދެއްވިކަން ސަރުކާރުގެ އިސް ތަރުޖަމާނު މުޙައްމަދު ޙުސެއިން ޝަރީފްވަނީ ކަށަވަރުކޮށްދެއްވާފައެވެ.

މިނިސްޓަރ ޒަމީރު އިސްތިއުފާ ދެއްވީ އެމަނިކުފާނުގެ ސިއްޙީ ހާލަތު ހުރިގޮތުން، ފިނޭންސް މިނިސްޓްރީ ފަދަ ބޮޑު މަސްއޫލިއްޔަތެއް އުފުއްލެވުމަށް މިވަގުތު އުޒުރުވެރިވެވަޑައިގަންނަވާތީއެވެ. ރައީސުލްޖުމްހޫރިއްޔާ އަންގަވައިގެން އެމަނިކުފާނު އިސްތިއުފާ ދެއްވި ކަމަށް ބުނެ ފަތުރަމުންދަނީ އެއްވެސް ހަގީގަތެއް ނެތް ދޮގު ވާހަކަތަކެކެވެ.
 

މިނިސްޓަރ އޮފް ފިނޭންސް އެންޑް ޕަބްލިކް އެންޓަރޕްރައިޒަސް، މޫސާ ޒަމީރު މަޤާމުން މިއަދު އިސްތިޢުފާ ދެއްވައިފި.@mundhu_maldives @thefeed_mv

— Mohamed Hussain Shareef (@MvSpokesperson) June 8, 2026