ރާއްޖޭގެ ޤައުމީ ބަޔޯޑައިވަރސިޓީ ސްޓްރެޓެޖީ އެންޑް އެކްޝަން ޕްލޭން މުރާޖާކުރުމުގެ އިންސެޕްޝަން ވަރކްޝޮޕް ފަށައިފި

ރާއްޖޭގެ ޤައުމީ ބަޔޯޑައިވަރސިޓީ ސްޓްރެޓޖީ އެންޑް އެކްޝަން ޕްލޭން މުރާޖައާ ކުރުމުގެ އިންސްޕެކްޝަން ވަރކްޝަޕް މިއަދު ފަށައިފިއެވެ. 

މިއަދު މި ފެށުނު ވަރކްޝޮޕަކީ މި މުއާހަދާއިން 2022 ވަނަ އަހަރު އެކުލަވާލެވުނު ކުންމިން-މޮންޓްރިއަލް ގްލޯބަލް ބަޔޯޑައިވަރސިޓީ ފްރޭމްވާރކް ރާއްޖޭގައި ތަންފީޒުކުރުމަށް ކުރަމުންގެންދާ މަސައްކަތެއް ކަމަަށް މޫސުމީ ބަދަލުތަކާއި ތިމާވެެއްޓާއި ހަކަތައާއި ބެހޭ ވުޒާރާއިން ބުނެފައިވެއެވެ.

މި ވަރކްޝޮޕް ހުޅުވުމުގެ ރަސްމިއްޔާތުގައި ތިމާވެއްޓާއި ބެހޭ ވަޒީރު ޠާރިޤު އިބްރާހިމްގެ ވާހަކަފުޅުގައި ދިރޭތަކެތީގެ ނަސްލު ގެއްލުން ނުވަތަ ބަޔޯޑައިވާސިޓީ ލޮސް އަކީ މިހާރު ދުނިޔޭގެ ފެންވަރުގައި ދިމާވެފައިވާ އެންމެ ބޮޑު އެއް ގޮންޖެހުންކަމަށް ފާހަގަ ކުރިއެވެ.

އަދި މީގެ އިތުރުން، ދިވެހިރާއްޖެއަކީ ޤުދުރަތީ މާހައުލަށް ބަރޯސާވެފައި އޮންނަ ޤައުމެއްކަމާއި، މިޤައުމު އުފެދިފައިވަނީވެސް ފަރާއި ފަޅުގެ މާހައުލުތަކުން ކަމަށް ވެފައި ބަޔޯޑައިވާސިޓީ ހިމާޔަތްކޮށް ދެމެހެއްޓެނިވި އުސޫލުން ބޭނުންކުރުން ކަށަވަރު ކުރުމަށް ހަރުދަނާ ޓާގެޓްތައް ކަނޑައެޅުމުގެ މުހިންމުކަން ފާހަގަ ކުރެއްވިއެވެ.

އަދި މި ޕްލޭން މިއަންނަ އަހަރު އިޕްތިތާހުކޮށް ތަންފީޒުކުރަން ތައްޔާރުވާއިރު ކުރިއަށް އޮތް 10 އަހަރަށް ކަނޑައަޅާ ޓާގެޓްތައް ހާސިލްކުރަން ބޭނުންވާ އިންސާނީ ވަސީލަތްތަކާއި، ފަންނީ ގޮތުން ބޭނުންވާ ކަންތައްތަކާއި އަދި މާލީ ވަސީލަތްތައް ހޯދުމަކީ މުހިންމު ކަމެއް ކަމަށް ވަޒީރުގެ ވާހަކަ ފުޅުގައި ފާހަގަ ކުރެއްވިއެވެ.

ނޭޝެނަލް ބަޔޯޑައިވަރސިޓީ ސްޓްރެޓެޖީ އެންޑް އެކްޝަން ޕްލޭން އެކުލަވާލުމަށް ކަނޑައަޅާފައިވާ ޑްރާފްޓް ލަނޑުދަނޑިތައް ކަމާބެހޭ ފަރާތްތަކާއި ހުށަހަޅާ މި ވަރކްޝޮޕްގައި ޓާގެޓްތަކާއި ބެހޭ ގޮތުން މަޝްވަރާކުރެވުނެވެ.  

At the opening of the Inception Workshop for the revision of the National Biodiversity Strategy Action Plan, Minister @Thoriqibrahim highlighted the need for a whole of government approach in implementing biodiversity targets. pic.twitter.com/T3cr6SYh9a

— Min. of Climate Change, Environment and Energy (@MoEnvmv) November 27, 2024

ކޮންވެންޝަން އޮން ބަޔޮލޮޖިކަލް ޑައިވާރސިޓީއަކީ ދިރޭތަކެތީގެ ނަސްލުތައް ރައްކާތެރިކޮށް ހިމާޔަތްކުރުމުގެ މަޤްސަދުގައި އެކުލަވާލާފައިވާ މުއާހަދާއެކެވެ. ނޭޝެނަލް ބަޔޯޑައިވަރސިޓީ ސްޓްރެޓެޖީ އެންޑް އެކްޝަން ޕްލޭނަކީ 1992 ވަނަ އަހަރު ދިވެހިރާއްޖެ ސޮއިކޮށްފައިވާ މި މުއާހަދާއިން ކަނޑައަޅާފައިވާ ލަނޑުދަނޑިތައް ހާސިލްކުރުމަށް ކޮންމެ 10 އަހަރަކުން އެކުލަވާލެވޭ ޕްލޭނެކެވެ.

މިއަދު މި ފެށުނު ވަރކްޝޮޕަކީ މި މުއާހަދާއިން 2022 ވަނަ އަހަރު އެކުލަވާލެވުނު ކުންމިން-މޮންޓްރިއަލް ގްލޯބަލް ބަޔޯޑައިވަރސިޓީ ފްރޭމްވާރކް ރާއްޖޭގައި ތަންފީޒުކުރުމަށް ކުރަމުންގެންދާ މަސައްކަތެކެވެ.