ދުނިޔެ

ކަމަލް އަދްވަން ސަރަހައްދަށް ހެނދުނު ދޭން ފެށި ހަމަލާތައް އަދިވެސް ދަނީ ކުރިއަށް

ކަމަލް އަދްވަން ސަރަހައްދަށް ހެނދުނު ދޭން ފެށި ހަމަލާތައް އަދިވެސް ދަނީ ކުރިއަށް

ކަމަލް އަދްވަން ހޮސްޕިޓަލް ސަރަހައްދުގެ ޢިމާރާތެއް

ޙަސްނާ އަޙްމަދް

ޙަސްނާ އަޙްމަދް

27 ނޮވެމްބަރު 2024، 05:36

27 ނޮވެމްބަރު 2024، 05:36

ކަމަލް އަދްވަން ހޮސްޕިޓަލް ހުންނަ ސަރަހައްދަށް މިއަދު ހެނދުނު އިޒްރާއިލް ސިފައިން ދޭން ފެށި ހަމަލާތައް އަދިވެސް ހުއްޓާނުލާ ކަަމަށް އަލްޖަޒީރާގައި ރިޕޯޓުކޮށްފިއެވެ.

އަލްޖަޒީރާގައި ބުނެފައިވަނީ ފާއިތުވި ދެތިން ގަޑިއިރުގެ ތެރޭގައި ކަމަލް އަދުވާން ހޮސްޕިޓަލުގެ އުތުރު ގޭޓުގައި އިތުރު ތިން މީހަކު ޝަހީދުވެފައިވާ ކަމަށެވެ. އެ ހޮސްޕިޓަލަށް ދަނީ ހުއްޓުމެއްނެތި ނުރައްކާތެރި ހަމަލާތަކެއް ދެމުންކަމަށް އަލްޖަޒީރާގައި ބުނެފައިވެއެވެ.

ނުރައްކާތެރި ހަތިޔާރުތަކުން ދެމުންދާ މިހަމަލާތަކުގެ ސަބަބުން މުޅި އެސަރަހައްދުގައި ވަނީ ބިރުވެރި ކަން އުފެދިފައެވެ. އަދި ހުއްޓުމެއް ނެތި ދެމުންދާ ނުރައްކާތެރި ހަމަލާތަކުގެ ސަބަބުން 

 ޕެރެމެޑިކްސް އާއި މެޑިކަލް ސްޓާފުންނާއި ވޮލަންޓިއަރުންނަށް ޒަޚަމްވެފައިވާ މީހުން ހޮސްޕިޓަލަށް ގެންދިޔުމަށް ބޮޑެތި ހުރަސްތައް ދަނީ ކުރިމަތިވަމުންނެވެ.

މީގެ އިތުރުން އިޒްރާއިލުގެ ސިފައިން ކަމަލް އަދުވާން ހޮސްޕިޓަލް ކައިރީގައި ހުރި މީހުން ދިރިއުޅޭ އިމާރާތްތަކަށް ވެސް ހަމަލާދީފައިވެއެވެ. މިހަމަލާގައި މީހަކު ޝަހީދުވީކަމުގެ ރިޕޯޓެއް އަދި ލިބިފައެއް ނުވެއެވެ. 

މިހަމަލާގެ އިތުރުން ޣައްޒާ ސިޓީގެ ޝުޖާޔޭގެ ސަރަހައްދަކަށް ދިން ހަމަލާއެއްގައި އެއް އާއިލާގެ ހަތަރު މީހަކު ވަނީ ޝަހީދުވެފައެވެ.

ރިިޕޯޓު ތަކުން އެނގިފައިވާގޮތުގައި ޝުޖާޔޭއަށް ދިން ހަމަލާގައި ޝަހީދުވި މީހުންނަކީ އެސަރަހައްދުގައި ހުރި އެމީހުންގެ ގެޔަށް ބައެއް ތަކެތި ބަލައި ދިޔަ ވަގުތެއްގައެވެ. އެމީހުން ގެޔަށް ގޮސްފައިވަނީ ފިނިމޫސުމަށް ބޭނުންވާ ބައެއް ތަކެތި ބަލައެވެ. 

މިފަދަ ބޭނުންތަކުގައި އެނބުރި ގެއަށް އަންނަ އެތައް ބަޔަކަށް އަމާޒުކޮށް ހަމަލާތައް ދަނީ ދެމުންކަމަށް އަލްޖަޒީރާގައި ވަނީ ބުނެފައެވެ. 

މި ލިޔުން ކިޔާލުމުން

Ads by MSS