އަމާޒަކީ އަންނަ އަހަރުގެ ވޯލްޑް ޓްރެވަލް އެވޯޑްސްގައި މަދުވެގެން 15 އެވޯޑް ހޯދުން: ވަޒީރު ފައިސަލް

އަމާޒަކީ އަންނަ އަހަރުގެ ވޯލްޑް ޓްރެވަލް އެވޯޑްސްގައި މަދުވެގެން 15 އެވޯޑްް ހޯދުން ކަމަށް ފަތުރުވެރިކަމާ ބެހޭ ވަޒީރު އިބްރާހިމް ފައިސަލް ވިދާޅުވެެއްޖެއެވެ.

ވަޒީރު ފައިސަލް މިހެން ވިދާޅުވީ ވޯލްޑް ޓްރެވަލް އެވޯޑްސްގައި ލިބުނު ކާމިޔާބު ފާހަގަކުރުމަށް މިއަދު ބޭއްވި ހަފްލާގައި ވާހަކަފުޅު ދައްކަވަމުންނެވެ.

ވޯލްޑް ޓްރެވަލް އެވޯޑްސްގައި ރާއްޖެ ހޯދި ކާމިޔާބީތައް ފާހާގަ ކުރުމަށް ބޭއްވި ހަފްލާގައި ވަޒީރު ފައިސަލް ވިދާޅުވީ އުންމީދަކީ އަންނަ އަހަރު 15 ނުވަތަ 20 އެވޯޑް ހާސިލްކުރުންކަމަށެވެ. މިއީ މުޅި ސިނާއަތުގެ އެންމެންގެ ބުރަ މަސައްކަތުން ހޯދުނު އެވޯޑުތަކެއްކަން ވަޒީރުގެ ވާހަކަފުޅުގައި ވަނީ ފާހަގަކުރައްވައިފައެވެ.

 ފަތުރުވެރިކަމާ ބެހޭ ވަޒީރު ވިދާޅުވީ މޯލްޑިވިއަންއަކީ ފަތުރުވެރިކަމުގެ މުހިންމު ބައިވެރިއެއްކަމަށެވެ. އަދި ކުރިއަށްއޮތް ތަނުގައި ދެކެން ބޭނުންވަނީ "ވިޒިޓް މޯލްޑިވްސް" ޖަހައިގެން މޯލްޑިވިއަނުން ރާއްޖެއަށް އެންމެ ގިނައިން ފަތުރުވެރިން އަންނަ މަންޒިލްތަކަށް ދަތުރުކުރާ ތަން ކަމަށެވެ.

Celebrating Maldives' success!

Minister @ifaisalofficial honors Maldives’ recent wins at the World Travel Awards, bringing into focus the dedication and hard work of all those in the industry.

A commemorative signage was also unveiled at @VelanaAirport to mark this record. pic.twitter.com/FPq65BxUVE

— Ministry of Tourism (@MoTmv) November 27, 2024

ވޯލްޑް ޓްރެވެލް އެވޯޑްސްގެ 9 ކެޓަގަރީއަކުން މިއަހަރު ރާއްޖެ ވަނީ އެވޯޑް ހާސިލްކޮށްފައެވެ. އޭގެތެރެއިން އެންމެ ފާހަގަކޮށްލެވެނީ ވޯލްޑްސް ލީޑިންގ ޑެސްޓިނޭޝަންގެ އެވޯޑާއި ވޯލްޑްސް ލީޑިންގ ގްރީން ޑެސްޓިނޭޝަންގެ އެވޯޑެވެ. މިއީ ވޯލްޑްސް ލީޑިންގ ޑެސްޓިނޭޝަންގެ އެވޯޑް ރާއްޖެއަށް ލިބުނު 5 ވަނަ އަހަރެވެ. އަދި ލީޑިންގ ގްރީން ޑެސްޓިނޭޝަންގެ އެވޯޑް ލިބުނު ފުރަތަމަ ފަހަރެވެ.