ޚަބަރު
ދަރުމަވަންތަ ކައިރީ މޫދުގައި ޒަޚަމްވި މީހާ ނިޔާވެއްޖެ
ދަރުމަވަންތަ ހޮސްޕިޓަލް ފޮޓޯ:ކޯޕަރޭޓް މޯލްޑިވްސް
ދަރުމަވަންތަ ކައިރީ މޫދުގައި ޒަޚަމްވެފައި އޮއްވާ ފެނުނު 55 އަހަރުގެ މީހާ ނިޔާވެއްޖެ ކަމަށް މޯލްޑިވްސް ޕޮލިސް ސަރވިސްއިން މަޢުލޫމާތުދެއްވައިފިއެވެ.
ފުލުހުންގެ މީޑިއާ ގްރޫޕަށް ފޮނުވި މެސެޖެއްގައި ބުނެފައިވަނީ މި މީހާއަށް އިންދިރާ ގާންދީ މެމޯރިއަލް ހޮސްޕިޓަލުގައި ފަރުވާދެމުންދަނިކޮށް ނިޔާވެފައިވާ ކަމަށެވެ.
މިއަދުގެ މެންދުރު ކުރީ ގަޑިއެއްގައި ދަރުމަވަންތަ ސަރަޙައްދުން ފެނުނު މި މީހާއަށް އަނިޔާވީ އެ ސަރަޙައްދުން ދުއްވާފައި ދިޔަ ލޯންޗެއްގައި ޖެހިގެން ކަމަށް ބެލެވޭ ކަމުގައި ފުލުހުން މީޑިއާތަކަށް މަޢުލޫމާތުދެމުން ބުނެފައިވެއެވެ. އަދި އަނިޔާވެފައިވަނީ އެ މީހާގެ ބޮލަށް ކަމަށާއި މި މައްސަލަ ތަޙުޤީޤުކުރަމުންދާ ކަމަށްވެސް ފުލުހުން ބުނެފައިވެއެވެ.
