ރައްޔިތުންގެ މަޖިލީހުގެ ހިނގަމުންދާ ދައުރު ދަންމާލައިފި

ރައްޔިތުންގެ މަޖިލީހުގެ މިހާރު ހިނގަމުންދާ ދައުރު ދަންމާލުމަށް އެމަޖިލީހުން މިއަދު ފާސްކޮށްފިއެވެ.

ރައްޔިތުންގެ މަޖިލީހުގެ މިއަދުގެ ޖަލްސާގައި ނިންމާފައިވަނީ މިފެށޭ ޑިސެމްބަރު މަހުގެ 15ވަނަ ދުވަހާއި ހަމައަށް ދަންމާލުމަށެވެ. ކުރިން އޮތް ގޮތުންނަމަ މިމަހުގެ 30 ވަނަ ދުވަހު މިހާރު ކުރިއަށްދާ މަޖިލީހުގެ ދައުރު ނިމޭނެއެވެ.

ޑިސެމްބަރު 15 ވަނަ ދުވަހާއި ހަމައަށް ދައުރު ދިގު ދަންމާލުމަށް ފާސްކޮށްފައިވަނީ މަޖިލީހުގެ 68 މެމްބަރެއްގެ ވޯޓުންނެވެ. މަޖިލީހުގެ ދައުރު ދިގު ދަންމާ ސަބަބެއް ކަމަށް މަޖިލީހުގެ ރައީސް ޢަބްދުއްރަޙީމް ޢަބްދުﷲ ވިދާޅުވެފައިވަނީ މަޖިލީހުގައި މުހިންމު މަސައްކަތްތަކެއް ނުނިމިހުރުމެވެ.

މިހާރު ކުރިއަށްދަނީ ރައްޔިތުންގެ މަޖިލީހުގެ މިއަހަރުގެ ތިންވަނަ ދައުރެވެ. އަދި މިއީ މިއަހަރުގެ އެންމެ ފަހު ދައުރެވެ.