ސައިންސް

އޭޓީއެމް: އީޖާދުކުރީ ކާކު އަދި ޕިންގައި ހަތަރު ނަންބަރު ހުންނަނީ ކީއްވެ؟

އޭޓީއެމް: އީޖާދުކުރީ ކާކު އަދި ޕިންގައި ހަތަރު ނަންބަރު ހުންނަނީ ކީއްވެ؟

އޭޓީއެމްއަކުން ފައިސާ ނަގަނީ ފޮޓޯ:އިންޓަނެޓް

އާމިނަތު ޔުމްނާ

އާމިނަތު ޔުމްނާ

27 ނޮވެމްބަރު 2024، 09:07

27 ނޮވެމްބަރު 2024، 09:07

ބޭންކުތައް ބަންދުވާ ގަޑިތަކުގައި ފައިސާ ނެގުމަކީ ނުވާނެކަމެއްކަމުގައި އޮތް ޒަމާނެއް ދިޔައެވެ. އެކަން ބަދަލުވީ 1967 ވަނަ އަހަރު ސްކޮޓްލެންޑުގެ އީޖާދުކުރާ މީހެއް ކަމުގައިވާ "ޖޯން ޝެޕަރޑް-ބެރަން" ބޭންކިންގ ދާއިރާއަށް އިންޤިލާބެއް ގެނެސް "އޮޓޮމޭޓެޑް ޓެލަރ މެޝިން (އޭޓީއެމް)" އީޖާދުކުރުމުންނެވެ. މި އާ މެޝިނުން މީހުންނަށް ކޮންމެ ވަގުތެއްގައިވެސް، ކޮންމެ ތަނަކުންވެސް ފައިސާ ނެގުމުގެ ފުރުސަތު ލިބިގެންދިޔައެވެ. މިއީ މާލީ އިންޤިލާބެއްގެ ފެށުމެވެ.

 

އޭޓީއެމް: އީޖާދުކުރީ ކާކު އަދި ޕިންގައި ހަތަރު ނަންބަރު ހުންނަނީ ކީއްވެ؟

އޭޓީއެމް އުފެއްދި ފަރާތް

ޝެޕަރޑް-ބެރަންއަށް މި ޚިޔާލު އައީ ހީވެސް ނުކުރެވޭފަދަ ގޮތަކަށެވެ. އެއީ ވެންޑިންގ މެޝިނުންނެވެ. އޭނާ ވިސްނީ، "މެޝިނަކުން ޗޮކްލެޓް އަދި ދަޅު  ލިބޭނަމަ، ފައިސާ ނުލިބޭނީ ކީއްވެ ތޯއެެވެ؟ މި ސާދާ ޚިޔާލާއެކު، އޭނާ ފުރަތަމަ އޭޓީއެމް އުފެއްދިއެވެ. އަދި ލަންޑަނުގެ ބާކްލޭސް ބޭންކެއްގައި ފުރަތަމަ ފަހަރަށް ބޭނުންކުރަން ފެށުނެވެ. ފުރަތަމަ ބޭނުންކުރި މީހުންނަށް ފައިސާ ލިބުނީ ރޭޑިއޯއެކްޓިވް މާއްދާއެއް އުނގުޅާފައިވާ ޚާއްސަ ވައުޗަރުތަކެއް ބޭނުންކޮށްގެންނެވެ.  މިއީ މާ ރައްކާތެރި ގޮތެއް ނޫނެވެ. އެކަމަކު އޭރު އެކަން ކުރިއަށްދިޔައީ މިގޮތަށެވެ!

އަޅުގަނޑުމެން އެންމެންނަށް އެނގޭ ހަތަރު ނަންބަރުގެ ޕިންކޯޑްއޭ ބުނުމުން އެނގެއެވެ. ނަމަވެސް ޕިންކޯޑްގައި ހަތަރު ނަންބަރު ހިމެނުނީ ކީއްވެގެންތޯ؟  ޝެޕަރޑް-ބެރަން ފުރަތަމަ ހުށަހެޅީ ހަ ނަންބަރުގެ ޕިނެއް އުފެއްދުމަށެވެ. އޭރުން ސެކިއުރިޓީ ރަނގަޅުވާނެ ކަމަށް ޤަބޫލުކުރެވުނީތީއެވެ. ނަމަވެސް، އޭނާގެ އަނބިކަނބަލުން "ކެރޮލައިން" އެކަން ޓެސްޓުކޮށް ބެލިއިރު، އޭނާއަށް ފަސޭހައިން ހަނދާންބެހެއްޓޭނީ ހަމައެކަނި ހަތަރު ނަންބަރު ކަމަށް ބުންޏެވެ. ޝެޕަރޑް-ބެރަން ބުއްދިވެރިކަމާއެކު އަނބިކަނބަލުންގެ ވާހަކައަށް އިޖާބަދިނުމުން، ހަތަރު ނަންބަރުގެ ޕިން އާންމުވެގެންދިޔައެވެ.

މި ކުޑަ ބަދަލުން މިއަދާ ހަމައަށްވެސް އަޅުގަނޑުމެން އޭޓީއެމްއާ މުޢާމަލާތްކުރާ ގޮތް ބައްޓަންވެގެން ދިޔައެވެ. ހަތަރު ނަންބަރަކީ ސެކިއުރިޓީއާއި ފަސޭހައިގެ ދެމެދުގައި އެންމެ ރަނގަޅު ހަމަހަމަކަން ހިފެހެއްޓޭ އަދަދެވެ. މިއީ މީހުންނަށް ފަސޭހައިން ހަނދާންބެހެއްޓޭވަރުގެ ކުރު އަދަދެކެވެ. އެކަމަކު  ވައްކަންކުރަން އުޅޭ ގިނަ މީހުންނަށް ހުރަސްއެޅޭވަރުގެ އުނދަގޫވެސް އަދަދެކެވެ.

މިއަދާ ހަމައަށް އައިއިރު، މުޅި ދުނިޔޭގައި" 3.5 މިލިޔަނަށްވުރެ ގިނަ އޭޓީއެމް" ވަނީ ޤާއިމުކުރެވިފައެވެ. މިއީ މިހާރުގެ ބޭންކިންގ ނިޒާމުގައި ކޮންމެހެން ބޭނުންވާ އާލާތްތަކެކެވެ.  

                  

މި ލިޔުން ކިޔާލުމުން

Ads by MSS