ބާސްކެޓްބޯލް އެސޯސިއޭޝަނުގެ ހިންގާ ކޮމެޓީގެ މަޤާމުތަކަށް ކުރިމަތިލުމުގެ ފުރުސަތު ހުޅުވާލައިފި

މޯލްޑިވްސް ބާސްކެޓްބޯލް އެސޯސިއޭޝަން (އެމްބީއޭ)ގެ 2028-2024  ދައުރުގެ ހިންގާ ކޮމިޓީގެ މަޤާމްތަކަށް ކުރިމަތިލުމުގެ ފުރުސަތު އަންގާރަ ދުވަހު ހުޅުވާލައިފިއެވެ. އެ އެސޯސިއޭޝަނުން ހާމަކޮށްފައިވާ ގޮތުގައި ހިންގާ ކޮމިޓީ އިންތިޚާބު ކުރުމަށްޓަކައި ބާއްވާ ޚާއްސަ ޢާންމު ޖަލްސާ އޮންނާނީ 14  ޑިސެންބަރު 2024 ވާ ހޮނިހިރު ދުވަހުގެ 20:30 ގައި ހ. ބޯޅަ ގޭގައެވެ.

އަންނަ މަހު އޮންނަ އެ އެސޯސިއޭޝަންގެ ޚާއްޞަ ޢާންމު ޖަލްސާގައި އިންތިހާބު ކުރުމަށް ހަމަޖެހިފައިވަނީ ރައީސް އާއި އިދާރީ ނައިބު ރައީސް އާއި މާލީ ނައިބު ރައީސް އާއި ސެކްރެޓަރީ ޖެނެރަލް އަދި އާންމު 5 މެމްބަރުންނެވެ. އިންތިހާބުގެ މަގާމުތަކަށް ކުރިމަތިލުމުގެ ސުންގަޑިއަކީ 03  ޑިސެންބަރު 2024 ވާ އަންގާރަ ދުވަހުގެ 13:30އެވެ.

ބާސްކެޓްބޯލް އެސޯސިއޭޝަންގެ ހިންގާ ކޮމެޓީ އިންތިހާބުގައި ވޯޓު ލުމުގެ ހައްގު ލިބޭނީ އެ އެސޯސިއޭޝަންގެ ފުރިހަމަ މެންބަރު ކުލަބް/ޖަމްޢިއްޔާތައް ތަމްސީލުކުރާ މަންދޫބުންނަށެވެ. އަދި މަންދޫބުންނަށް ވޯޓު ލެވޭނީ، އެ މަންދޫބުން ރަޖިސްޓަރ ކުރުމަށް ހުށައަޅާ ޕްރޮކްސީ ފޯމު ހުށައެޅުމުންނެވެ. އެ އެސޯސިއޭޝަނުން ހާމަކޮށްފައިވާ ގޮތުގައި ޕްރޮކްސީ ފޯމު ހުށައެޅުމުގެ ސުންގަޑިއަކީ 11 ޑިސެންބަރު 2024 ވާ ބުދަ ދުވަހުގެ 13:30އެވެ. 

އެ އެސޯސިއޭޝަނުން ވަނީ ހިންގާ ކޮމެޓީ އިންތިޚާބުގައި ވޯޓުދިނުމުގެ ހައްގު ލިބިފައިވާ ފުރިހަމަ މެންބަރު ކުލަބް/ޖަމްޢިއްޔާތަކުގެ ނަންތައް ވެސް އާންމުކޮށްފައެވެ. އެގޮތުން، ވޯޓު ދިނުމުގެ ހައްގު ލިބިފައިވަނީ 20 ކުލަބް/ޖަމްޢިއްޔާއަކަށެވެ. 

ވޯޓުދިނުމުގެ ހައްގު ލިބިފައިވާ ފުރިހަމަ މެންބަރު ކުލަބް/ޖަމްޢިއްޔާތައް:

1.     ބެންޗް ސްޕޯޓްސް ކުލަބް

2.     ރައިސިންގް ބާސްކެޓްބޯލް އެކަޑަމީ

3.     ސައިކްލޯން ބާސްކެޓްބޯލް ކުލަބް

4.     ރޯޔަލްސް ބާސްކެޓްބޯލް ކުލަބް

5.     އެލީޓް ސްޕޯރޓްސް ކުލަބް

6.     ސްޕާޓަންސް ސްޕޯޓްސް ކުލަބް

7.     ހުޅުމާލެ ސްޕޯޓްސް ކުލަބް

8.     ސްޓިންޖާސް ބާސްކެޓްބޯލް ކުލަބް

9.     ކިންގްސް ބާސްކެޓްބޯލް ކުލަބް

10.  ދި ބައުސް ސްޕޯޓްސް ކުލަބް

11.  އެލްކިޔު ސްޕޯޓްސް ކުލަބް

12.  ޓީ-ރެކްސް ބާސްކެޓްބޯލް ކުލަބް

13.  ލަޔަނެސް ސްޕޯޓްސް

14.  ޓެލަންސް ބާސްކެޓްބޯލް ކުލަބް

15.  ކުއީންސް ބާސްކެޓްބޯލް ކުލަބް

16.  ޔުނައިޓެޑް ނެޓްވާކް އޮފް ފްރެންޑްސް

17.  ރެޕްޓާސް ބާސްކެޓްބޯލް ކުލަބް

18.  ވައިޕާސް ބާސްކެޓްބޯލް ކުލަބް

19.  ރެޑް ވިންގްސް ބާސްކެޓްބޯލް ކުލަބް

20.  ޑަބްލިޔު ސްޕޯޓްސް އެކަޑަމީ