ލޭ ހަދިޔާކުރާ ފަރާތްތަކުން އެ ކުރަނީ އެއްވެސް އަމިއްލަ އެދުމެއް ނެތް، ދީލަތި މަސައްކަތެއް : މެޑަމް ސާޖިދާ

ދުނިޔޭގެ ލޭ ހަދިޔާކުރާ މީހުންގެ ދުވަހުގެ މުނާސަބަތުގައި، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އަނބިކަނބަލުން މެޑަމް ސާޖިދާ މުޙައްމަދު، ލޭ ހަދިޔާކުރާ ފަރާތްތަކުން ދައްކުވައިދޭ އޯގާތެރިކަމާއި އިންސާނިއްޔަތުކަމަށް ތައުރީފު ކުރައްވައިފިއެވެ.

މިއަދު ފާހަގަކުރަމުންދާ ދުނިޔޭގެ ލޭ ހަދިޔާކުރާ މީހުންގެ ދުވަހާ ގުޅިގެން ދެއްވި މެސެޖެއްގައި ފަސްޓްލޭޑީ ވިދާޅުވީ، ލޭ ހަދިޔާކުރާ ފަރާތްތަކުން އެ ކުރަނީ އެއްވެސް އަމިއްލަ އެދުމެއް ނެތް، ދީލަތި މަސައްކަތެއް ކަމަށެވެ. އަދި އެކަމުގެ ސަބަބުން ބަލިމީހުންނަށާއި އެމީހުންގެ އާއިލާތަކަށް، ހަޔާތުގެ އެންމެ ދަތި އުނދަގޫ ވަގުތުތަކުގައި އާ އުންމީދެއް ލިބިގެންދާކަން އެކަމަނާ ފާހަގަކުރެއްވިއެވެ.

މެޑަމް ސާޖިދާ އިތުރަށް ވިދާޅުވީ، ކޮންމެ ލޭ ހަދިޔާކުރުމެއްގެ ފަހަތުގައިވަނީ އޯގާތެރިކަމާއި އިންސާނިއްޔަތުކަމުގެ ފުން މާނައެއް އެކުލެވިގެންވާ ވާހަކައެއް ކަމަށެވެ. ޚާއްޞަކޮށް ނާޒުކު ހާލަތްތަކުގައި ފަރުވާ ހޯދަމުންދާ ބަލިމީހުންނަށާއި، އެމީހުންގެ ގާތުގައި ތިބޭ އާއިލާތަކަށް، ލޭ ހަދިޔާކުރާ މީހެއްގެ އެ އެހީތެރިކަމަކީ ބިރުވެރިކަމާއި އުންމީދު ކަނޑާލުމުގެ ބަދަލުގައި އާ ހިތްވަރެއް ލިބިގެންދާ ކަމެއްކަން އެކަމަނާ ފާހަގަކުރެއްވިއެވެ.

މީގެ އިތުރުން، ފުރާނަ ސަލާމަތްކުރުމަކީ އަބަދުވެސް ވަރަށް ބޮޑެތި ކަންތައްތަކެއް ކޮށްގެން ކުރެވޭނެ ކަމެއް ނޫންކަން މިއަދު އަޅުގަނޑުމެންނަށް ހަނދާންކޮށްދޭ ކަމަށްވެސް ފަސްޓްލޭޑީ ވިދާޅުވިއެވެ. ބައެއް ފަހަރު ވަރަށް ކުޑަ އޯގާތެރި އަމަލަކުންވެސް މީހެއްގެ މުޅި ދިރިއުޅުމަށް ބޮޑު ބަދަލެއް ގެނެވިދާނެކަން އެކަމަނާގެ މެސެޖުގައި ބަޔާންކުރެއްވިއެވެ.

މެޑަމް ސާޖިދާގެ މެސެޖު ނިންމަވާލައްވަމުން، އެއްވެސް މަޖުބޫރުކަމެއް ނެތި އަމިއްލަ އިސްނެގުމުގެ މަތިން ގަވާއިދުން ލޭ ހަދިޔާކުރުމުގެ މުހިންމުކަމާ މެދު ހޭލުންތެރިކަން އިތުރުކުރުމަށާއި، އެއީ އެންމެންގެ އިޖުތިމާއީ ޒިންމާއެއްގެ ގޮތުގައި ދެމެހެއްޓުމަށް ބާރުއެޅުއްވިއެވެ.

On this #WorldBloodDonorDay, we honour the kindness and generosity of blood donors whose selfless acts bring hope to patients and families during some of the most difficult moments of their lives.

Behind every blood donation is a story of compassion and an act of humanity. For… pic.twitter.com/yfu8HWuLx6

— First Lady Sajidha Mohamed (@sajidhaamohamed) June 14, 2026