ޗައިނާ ސަފީރު ޚާރިޖީ ވަޒީރުގެ އަރިހަށް ވަދާޢީ ޒިޔާރަތްކުރައްވައިފި

ޗައިނާ ސަރުކާރުން ދިވެހިރާއްޖެއަށް ކަނޑައަޅުއްވާފައި ހުންނަވާ ސަފީރު ވޮންގ ލިޝިން  ޚާރިޖީ ވަޒީރު ޑރ. ޢަބްދުﷲ ޚަލީލުގެ އަރިހަށް ވަދާޢީ ޒިޔާރަތެއް ކުރައްވައިފިއެވެ.

ޗައިނާގެ ސަފީރު ޚާރިޖީ ވަޒީރާ ބައްދަލުކުރެއްވީ ސަފީރުކަމުގެ ދައުރު ހަމަވާން ގާތްވެފައިވާތީއެވެ. މި ބައްދަލުވުންތައް ކުރިއަށް ގެންދެވުނީ ޚާރިޖީ ވުޒާރާގައެވެ.

ޗައިނާ ސަފީރާއެކު ބޭއްވުނު ބައްދަލުވުމުގައި، ވޭތުވެދިޔަ އަހަރު ތެރޭގައި ކުރިއަށް ގެންދެވުނު މުހިންމު މަސައްކަތްތަކާއި ހާސިލުކުރެވުނު ކަންތައްތަކުގެ މައްޗަށް މަޝްވަރާކުރެވުނެވެ. އަދި މިހާރު ކުރިއަށްދާ މުހިންމު މަޝްރޫޢުތަކުގެ އެންމެ ފަހުގެ މަޢުލޫމާތާއި ކުރިއަށް ރޭވިފައިވާ މަސައްކަތްތަކާ ގުޅޭގޮތުންވެސް ވާހަކަދެކެވުނެވެ.

ޚާރިޖީ ވަޒީރު ވަނީ ޗައިނާ ސަފީރު ކޮށްދެއްވާފައިވާ މުހިންމު މަސައްކަތްތައް ފާހަގަކުރައްވައި، ދިވެހިރާއްޖެއާއި ޗައިނާއާ ދެމެދު އޮތް ގުޅުން ކުރިއެރުވުމަށްޓަކައި އެކަމަނާ ދެއްވި އެހީތެރިކަމާއި އެއްބާރުލުމަށް ޝުކުރު އަދާކުރައްވާފައެވެ. ޗައިނާ ސަފީރު ވަނީ އެކަމަނާގެ ދައުރުގައި ދިވެހި ސަރުކާރުން ބެހެއްޓެވި ގާތްކަން ފާހަގަކުރައްވައި، ދިވެހި ސަރުކާރަށާއި ރައްޔިތުންނަށް ޝުކުރު އަދާކުރައްވާފައެވެ.

މި ބައްދަލުވުމުގައި ޚާރިޖީ ވަޒީރު ވަނީ ދެ ޤައުމުގެ ގުޅުން ބަދަހިކުރުމަށް، ދެ ޤައުމުގެ ދޭދޭ ފަރުދުންގެ މެދުގައި އަދި ވިޔަފާރީގެ ގުޅުން ބަދަހިކުރުމުގައި ސަފީރު އަދާކުރެއްވި މުހިންމު ދައުރު  ފާހަގަކުރައްވައި، އެކަމަށް ތަޢުރީފުކުރައްވާފައެވެ.

މި ބައްދަލުވުންތަކުގައި ސަފީރު  ވަނީ އެކަމަނާގެ ދައުރުގައި ދިވެހި ސަރުކާރުން ދެއްވި އެއްބާރުލުމަށާއި، ބެހެއްޓެވި ގާތްގުޅުމަށް ޝުކުރު އަދާކުރައްވާފައެވެ. އަދި ކުރިއަށް އޮތް ތަނުގައިވެސް ދިވެހިރާއްޖެއާއި އެ ދެ ޤައުމާ ދެމެދު އޮތް ގުޅުން އިތުރަށް ހަރުދަނާވެ، ބަދަހިވެގެންދާނެކަމުގެ އުންމީދު ފާޅުކުރައްވާފައިވެއެވެ.

Chinese Ambassador pays a farewell call on the Minister of Foreign Affairs

📃 Press Release | https://t.co/WvmkbUgKkF pic.twitter.com/7hbEg8lMQA

— Ministry of Foreign Affairs 🇲🇻 (@MoFAmv) November 26, 2024