އިންޑިއާ ސަފީރު ޚާރިޖީ ވަޒީރުގެ އަރިހަށް ވަދާޢީ ޒިޔާރަތްކުރައްވައިފި

އިންޑިއާއިން ދިވެހިރާއްޖެއަށް ކަނޑައަޅާފައި ހުންނަވާ ސަފީރު، މަނޫ މަހާވަރު ޚާރިޖީ ވަޒީރު ޑރ. ޢަބްދުﷲ ޚަލީލުގެ އަރިހަށް ވަދާޢީ ޒިޔާރަތެއް ކުރައްވައިފިއެވެ.

ސަފީރު  ޚާރިޖީ ވަޒީރާ ބައްދަލުކުރެއްވީ ސަފީރުކަމުގެ ދައުރު ހަމަވާން ގާތްވެފައިވާތީއެވެ. މި ބައްދަލުވުންތައް ކުރިއަށް ގެންދެވުނީ ޚާރިޖީ ވުޒާރާގައެވެ.

އިންޑިއާ ސަފީރާއެކު ބޭއްވުނު ބައްދަލުވުމުގައި، ފާއިތުވި އަހަރުގެ ފާހަގަކޮށްލެވޭ ކާމިޔާބީތަކަށް އަލިއަޅުވާލެވުނެވެ. އަދި ރައީސުލްޖުމްހޫރިއްޔާ އިންޑިއާއަށް ކުރެއްވި ކާމިޔާބު ދަތުރުފުޅުގައި އެއްބަސްވެވުނު ކަންކަމާމެދު މަޝްވަރާކުރެވުނެވެ.

ޚާރިޖީ ވަޒީރު ވަނީ ރާއްޖޭގެ އުމްރާނީ ތަރައްޤީގެ ބިޔަ މަޝްރޫޢުތަކަށާއި މުހިންމު ރަށްރަށުގެ ފަރުދީ ތަރައްޤީއަށް އިންޑިއާ ސަރުކާރުން ދެއްވާ އެހީތެރިކަން ފާހަގަކުރައްވާފައެވެ. އަދި ރޫޕޭ ކާޑު ތަޢާރަފުކުރުމާއި، ޔޫޕީއައި ތަޢާރަފުކުރުމާއި، ލޯކަލް ކަރަންސީ ޓްރޭޑް އެގްރީމަންޓްތަކަކީ އިޤްތިޞާދަށް އެޅުނު ހަރުދަނާ ފިޔަވަޅުތަކެއްކަން ވަޒީރު ފާހަގަކުރެއްވިއެވެ.

އިންޑިއާ ސަފީރުވެސް ވަނީ ދިވެހި ސަރުކާރާއި ރައްޔިތުން ދެއްވި ފުރިހަމަ އެއްބާރުލުމާއި ބެހެއްޓެވި ގާތްކަމަށް ޝުކުރު އަދާކުރައްވާފައެވެ. ސަފީރު ވަނީ އިންޑިއާ އާއި ދިވެހިރާއްޖޭގެ ގުޅުން ކުރިއަށް އޮތްތަނުގައި އިތުރަށް ބަދަހިވެގެންދާނެކަމަށް އުންމީދުކުރައްވާކަމަށް ވިދާޅުވެފައެވެ.

މި  ބައްދަލުވުމުގައި ޚާރިޖީ ވަޒީރު ވަނީ ދެ ޤައުމުގެ ގުޅުން ބަދަހިކުރުމަށް، ދެ ޤައުމުގެ ދޭދޭ ފަރުދުންގެ މެދުގައި އަދި ވިޔަފާރީގެ ގުޅުން ބަދަހިކުރުމުގައި ސަފީރުއަދާކުރެއްވި މުހިންމު ދައުރު ފާހަގަައުރު ފާހަގަކުރައްވައި، އެކަމަށް ތަޢުރީފުކުރައްވާފައެވެ.

މި ބައްދަލުވުމުގައި ސަފީރު ވަނީ އެ ބޭފުޅާގެ ދައުރުގައި ދިވެހި ސަރުކާރުން ދެއްވި އެއްބާރުލުމަށާއި، ބެހެއްޓެވި ގާތްގުޅުމަށް ޝުކުރު އަދާކުރައްވާފައެވެ. އަދި ކުރިއަށް އޮތް ތަނުގައިވެސް ދިވެހިރާއްޖެއާއި އިންޑިއާއާ ދެމެދު އޮތް ގުޅުން އިތުރަށް ހަރުދަނާވެ، ބަދަހިވެގެންދާނެކަމުގެ އުންމީދު ފާޅުކުރައްވާފައިވެއެވެ.

High Commissioner of India H.E Munu Mahawar paid a farewell call on Minister @abkhaleel today. During the call, Minister thanked the High Commissioner for his invaluable contributions to strengthening 🇲🇻- 🇮🇳 ties during his tenure. @HCIMaldives @AmbMunu pic.twitter.com/X3LBKUqcgD

— Ministry of Foreign Affairs 🇲🇻 (@MoFAmv) November 27, 2024