ޚަބަރު
ރާއްޖޭ ދަރިވަރުންނަށް މެލޭޝިއާގެ 560 އަށްވުރެ ގިނަ ސްކޮލަރޝިޕް

އެއްބަސްވުމުގައި ސޮއިކުރުމުގެ ރަސްމިއްޔާތު ފޮޓޯ:މަތީ ތަޢުލީމާ ބެހޭ ވުޒާރާ
މެލޭޝިއާގެ ތަޢުލީމީ ދާއިރާއާއި ދިވެހި ސަރުކާރާ ދެމެދު ވެވުނު އެއްބަސްވުމެއްގެ ދަށުން، ދިވެހި ދަރިވަރުންނަށް 560 އަށްވުރެ ގިނަ ސްކޮލަރޝިޕް ހަމަޖެހިއްޖެއެވެ. މި އެއްބަސްވުމުގައި ސޮއިކުރުމުގެ ރަސްމިއްޔާތުގައި ދިވެހިރާއްޖެ ތަމްސީލުކުރެއްވީ ސްޓޭޓް މިނިސްޓަރ ޑރ. ޢަބްދުއްރަޙީމް ޙަސަން އާއި މޯލްޑިވްސް ކޮލިފިކޭޝަންސް އޮތޯރިޓީގެ ސީއީއޯ މަރްޔަމް ފިޒާނާ ރަޝީދެވެ.
މި އެއްބަސްވުމުގެ ދަށުން ލިބޭ ސްކޮލަރޝިޕްތައް ދެވޭނީ މެލޭޝިއާގެ ޚާއްޞަ މަރުކަޒުތަކެއްގައި ކިޔެވުމަށެވެ. މި ސްކޮލަރޝިޕްތަކުގެ ސަބަބުން ދިވެހި ދަރިވަރުންނަށް މާލީ އެހީތެރިކަން ލިބި، އެ ދަރިވަރުންގެ ތަޢުލީމީ އުންމީދުތައް ޙާޞިލުކުރުމަށް މަގުފަހިވެގެންދާނެއެވެ.
މި އެއްބަސްވުން ވެވިފައިވަނީ އެޑިޔުކޭޝަން މެލޭޝިއާ ގްލޯބަލް ސަރވިސަސް (އީއެމްޖީއެސް) އާއި ދިވެހި ސަރުކާރާ ދެމެދުގައެވެ. މި އެއްބަސްވުމަކީ ދެ ޤައުމުގެ ތަޢުލީމީ ގުޅުން އިތުރަށް ބަދަހިކޮށް، ދިވެހި ދަރިވަރުންނަށް ރާއްޖެއިން ބޭރުގައި މަތީ ތަޢުލީމު ޙާޞިލުކުރުމުގެ ފުރުޞަތު ފަހިކޮށްދޭނެ މުހިންމު އެއްބަސްވުމެކެވެ.