ޚަބަރު
ކުޅުދުއްފުށީ ޕޯޓުގައި ކްރޭނުގެ ލޮކު ނެއްޓި ކޮންޓެއިނަރެއް ވެއްޓިއްޖެ
ކޮންޓެއިނަރު ވެއްޓުނު ހާދިސާ / ފޮޓޯ: މިހާރު
ހދ. ކުޅުދުއްފުށީ ޕޯޓުގައި މުދާ ކްލިއަރ ކުރަން އުޅުމުގެ ތެރޭގައި ކްރޭނެއްގެ ލޮކު ނެއްޓިގެން ކޮންޓެއިނަރެއް ވެއްޓިއްޖެއެވެ.
ފުލުހުންގެ މީޑިއާ އޮފިޝަލަކު ވިދާޅުވީ މި ހާދިސާ ހިނގާފައި ވަނީ ހެނދުނު 10:30 ހާއިރު ކަމަށެވެ. އަދި މި ހާދިސާގައި އެއްވެސް މީހަކަށް ގެއްލުމެއް ލިބިފައި ނުވާކަމަށް ވެސް ފުލުހުން ހާމަކުރެއެވެ.
ނަމަވެސް މި ހާދިސާއާ ގުޅިގެން ކޮންޓެއިނަރާއި، ކޮންޓެއިނަރު އުފުލުމަށް ތައްޔާރުކޮށްފައި އޮތް ދޯންޏަށް ވަނީ ބޮޑެތި ގެއްލުންތަކެއް ލިބިފައެވެ.
އެގޮތުން ދޯނީގެ އެކި ތަންތަން ފަޅައިގެން ގޮސް، ކޮންޓެއިނަރުގެ ތެރޭގައި ހުރި މުދަލަށް ގެއްލުން ލިބިފައިވެއެވެ.
މަޢުލޫމާތު ލިބިފައިވާ ގޮތުގައި މި ހާދިސާގެ ސަބަބުން ކޮންޓެއިނަރު ގެނައި މީހުންނަށް މިލިއަނެއްހާ ރުފިޔާގެ ގެއްލުން ލިބޭނެ ކަމަށް ވަނީ އަންދާޒާކުރެވިފައެވެ.
Ads by MSS
