Ads by Exprox

ޚަބަރު

ބައިނަލްއަޤްވާމީ ޒަކާތު މަހާސިންތާ "އިންޒެކް 2024" ފަށައިފި

ބައިނަލްއަޤްވާމީ ޒަކާތު މަހާސިންތާ "އިންޒެކް 2024" ފަށައިފި

ބައިނަލްއަޤްވާމީ ޒަކާތު މަހާސިންތާ 2024 ފޮޓޯ:އިސްލާމީ ވުޒާރާ

އާމިނަތު ޔުމްނާ

އާމިނަތު ޔުމްނާ

28 ނޮވެމްބަރު 2024، 12:53

28 ނޮވެމްބަރު 2024، 12:53

ދިވެހިރާއްޖޭގައި ފުރަތަމަ ފަހަރަށް ބާއްވާ ބައިނަލްއަޤްވާމީ ޒަކާތު މަހާސިންތާ މިއަދު ފަށައިފިއެވެ. ޒަކާތު ހައުސްއިން އިންތިޒާމްކޮށްގެން ބާއްވާ މި މަހާސިންތާ ފެށުމުގެ ގޮތުން މިއަދު ހެނދުނު ޚާއްޞަ ރަސްމިއްޔާތެއް ވަނީ ބާއްވާފައެވެ.

މި ރަސްމިއްޔާތު ޝަރަފުވެރިކޮށްދެއްވީ ދިވެހިރާއްޖޭގެ އިސްލާމީ ޔުނިވަރސިޓީގެ ވައިސް ޗާންސެލަރ ޑރ. ޢަލީ ޒާހިރު ބިން ސަޢީދު ޤާސިމްއެވެ. ރަސްމިއްޔާތުގައި ކޮންފަރެންސަށް ރާއްޖެއިން ބޭރުން ވަޑައިގެންނެވި ބޭފުޅުންނާއި، ކަމާ ގުޅޭ އިދާރާތަކުގެ އިސްވެރިން ބައިވެރިވެލެއްވިއެވެ.

"އިންޓަނޭޝަނަލް ޒަކާތު ކޮންފަރެންސް 2024" (އިންޒެކް 2024) ގެ މައިގަނޑު މަޤްޞަދަކީ ދެމެހެއްޓެނިވި ގޮތެއްގައި ރާއްޖޭގައި ޤާއިމުކުރެވިފައިވާ ޒަކާތުގެ ނިޒާމެއް ކުރިއެރުވުމެވެ. އިސްލާމީ ކަންތައްތަކާބެހޭ ވުޒާރާއިން ބުނާ ގޮތުގައި، މި މަހާސިންތާގައި ޢިލްމުވެރިންނާއި، މި މަސައްކަތުގައި އުޅޭ މީހުންނާއި ސިޔާސަތުތައް ކަނޑައަޅާ ފަރާތްތަކާއި، މުޖުތަމަޢުގެ އިސްވެރިން ގުޅިގެން، އިޖްތިމާޢީ ދުޅަހެޔޮކަމާއި އިޤްތިޞާދީ ހަމަޖެހުމަށް ޓަކައި ޒަކާތުގެ ހިންގުން ހަރުދަނާކޮށް، އިތުރަށް ހަރުދަނާކުރެވޭނެ އިސްތިރާޖުތައް ދެނެގަނެވޭނެއެވެ.

އިންޒެކް 2024ގެ އަމާޒަކީ، ރާއްޖޭގެ އިޖްތިމާޢީ އަދި އިޤްތިޞާދީ މައިދާނަށް ފެތޭ ގޮތަށް، އަވަސް އަދި ފަސޭހަ ގޮތަކަށް ޚިދުމަތްދެވޭ ޒަކާތުގެ އޮނިގަނޑެއް ޤާއިމުކޮށް، މި ނިޒާމުގެ ތެރެއިން ދެމެހެއްޓެނިވި ތަރައްޤީއަށް މަގުފަހިކޮށްދިނުމެވެ.



މި މަހާސިންތާގައި ރާއްޖޭގެ އެކި މުއައްސަސާތަކުގެ އިތުރުން މެލޭޝިޔާގެ ބައެއް އިންސްޓިޓިއުޝަންތަކުން ބައިވެރިވާނެއެވެ. އަދި ޕެނެލިސްޓުންގެ ގޮތުގައި ރާއްޖޭގެ މަޝްހޫރު ދީނީ ޢިލްމުވެރިންނާއި، އިސްލާމިކް ފައިނޭންސްއާއި އިޤްތިޞާދީ ދާއިރާގެ މާހިރުން ބައިވެރިވެލައްވާނެއެވެ.

މިރޭގެ ނިޔަލަށް ކުރިއަށްދާ މި ކޮންފަރެންސްގައި 4 ކީނޯޓް ސްޕީކަރުންގެ ވާހަކަފުޅު ދެއްކެވުމާއި 4 ޕެނަލް ޑިސްކަޝަނެއް ކުރިއަށް ގެންދެވޭނެއެވެ.
                    

މި ލިޔުން ކިޔާލުމުން

Ads by MSS