ޚާންޔޫނިސް އަށް ދިން ޑްރޯން ހަމަލާއެއްގައި ހަތަރު މީހަކު ޝަހީދުކޮށްލައިފި

ފަލަސްޠީނުގެ ޚާންޔޫނިސްއަށް އަމާޒުކޮށް އިޒްރާއިލްގެ ސިފައިން ދިން ޑްރޯން ހަމަލާއެއްގައި ހަތަރު މީހަކު ޝަހީދުކޮށްލައިފިއެވެ. 

ފަލަސްޠީނުގެ ނިއުސް އެޖެންސީ ވަފާއިން ރިޕޯޓު ކޮށްފައިވާ ގޮތުގައި މިހަމަލާތަކަކީ ބުރާސްފަތި ދުވަހުގެ ހެނދުނު ދިން ހަމަލާތަކެކެވެ. މިހަމަލާތައް ދީފައިވަނީ ޚާންޔޫނިސްގެ އިރުމަތީގައި އޮންނަ އަބާސަން އަވަށުގައި ޙާލުގައި ޖެހިފައި ތިބި ފަލަސްޠީނުގެ ރައްޔިތުން ތަކެއް ދިިރިއުޅެމުންދިޔަ ފޭލިގެ ތަކަކަށް ކަމަށް ވަފާ އިން ބުނެއެވެ. 

ވަފާ ނިއުސް އިން ބުނެފައިވަނީ ޑްރޯން ހަމަލާތަކުގައި ގިނަ ބަޔަކު ޒަޚަމްވެފައިވާކަމަށެވެ.

ޚާންޔޫނިސްގެ ދެކުނުން އޮންނަ ރަފާހް އަށް ދިން ހަމަލާތަކުގައި މީހުން ދިރިއުޅޭ އިމާރާތްތަކަށާޢި ޖަބައްލިއްޔާގައި މީހުން ދިރިއުޅޭ އިމާރާތްތަކަށްވެސް ހަމަލާދިނުމުގެ ސަބަބުން ގެއްލުންތަކެއް ވަނީ ލިބިފައެެވެ. 

މީގެއިތުރުން ފަަލަސްޠީނުގެ ހުޅަނގު އައްސޭރީގައި އިޒްރާއިލުން ހިންގަމުންދާ އަނިޔާވެރި ޢަމަލުތަކުގެ ތެރެއިން ފަލަސްޠީނުގެ ޒުވާނަކަށް އަނިޔާތަކެއް ލިބިފައިވާ ކަމަށް އަލްޖަޒީރާގައި ވަނީ ބުނެފައެވެ. 

އެޒުވާނާގެ ގަޔަށް އިޒްރާއިލް ސިފައިން ބަޑިޖަހާފައިވަނީ ހިފާފައިވާ ހުޅަނގުއައްސޭރީގެ ރާމައްﷲގެ އުތުރުގައި އޮންނަ އަވަށެއް ކަމަށްެވާ ތުރްމުސް އާޔާ އަވަށުގައެވެ. 

ވަފާގައި ބުނެފައިވާ ތުރްމުސް އާޔާގައި އިއްޔެ އިޒްރާއިލް ސިފައިން އެއަވަށުގެ ގެއެއް ވަނީ އެމީހުންގެ ބާރުގެ ދަށަށް ގެނެސްފައެވެ. މީގއިތުރުން އަލްމުޣައްޔިރު އަވަށުގެ ޒުވާނެއް ވެހިކަލްއެއްގެ ތެރޭގައި ހުއްޓައި ބަޑިޖަހައި ޒަޚަމްކޮށްލާފައިވެއެވެ.