ޚަބަރު
އާޓިފިޝަލް ބީޗް ކައިރިއަށް ވެއްޓިފައި އޮއްވައި ފެނުނު މީހާ ނިޔާވެއްޖެ

ފުލުސް ހެޑްކުއަރޓާސް ޝަހީދު ހުސެއިން އާދަމް ބިލްޑިންގ. ފޮޓޯ: ފުލުހުން
މިއަދު ހެނދުނު އާޓިފިޝަލް ބީޗް ކައިރިއަށް ވެއްޓިފައި އޮއްވައި ފެނުނު މީހާ ފަރުވާދެމުން ދަނިކޮށް ނިޔާވެއްޖެ ކަމަށް ދިވެހި ފުލުހުންގެ ޚިދުމަތުން ބުނެފިއެވެ.
ދިވެހި ފުލުހުންގެ ޚިދުމަތުން މިކަމާއި ގުޅޭ ގޮތުން ބުނެފައިވަނީ މިއަދު ހެނދުނު 8:56 އެހާކަންހާއިރު އާޓިފިޝަލް ބީޗް ކައިރިން މަގުމައްޗަށް ވެއްޓުނު މީހަަކަށް ފުލުހުން އެޓެންޑުވެ އެމީހާ އޭޑީކޭ އަށް ގެންދެވުނު ކަމަށެވެ.
އަދި އޭޑީކޭ އަށް ގެންގޮސް އެމީހާއަށް ފަރުވާދެމުންދަނިކޮށް މިއަދު ހެނދުނު 10:03 ގައި ނިޔާވެފައިވާ ކަމަށް ވަނީ ފުލުހުން ވަނީ ބުނެފައެވެ.
އަދި އޭޑީކޭގައި ފަރުވާދެމުންދަނިކޮށް ނިޔާވެފައިވަނީ ސ.ހިތަދޫ/ ސޯސަންގެ އަޙްމަދު ޝަރީފް ކަމަށް ފުލުހުން ވަނީ މަޢުލޫމާތު ދީފައެވެ. މިމައްސަލަ އިތުރަށް ތަހުޤީޤު ކުރަމުންދާ ކަމަށް ވެސް ފުލުހުން ވަނީ ބުނެފައެވެ.