ހިންނަވަރު ފުޓްސަލް ދަނޑުގައި މިހާރު ކުރިއަށް ދަނީ ލައިޓް ޕޯސްޓްތައް ހަރުކުރުމުގެ މަސައްކަތް

ޅ. ހިންނަވަރުގައި ޕަބްލިކް ސެކްޓަރ އިންވެސްޓްމަންޓް ޕްރޮގްރާމް (ޕީއެސްއައިޕީ) ގެ ދަށުން ތަރައްޤީކުރާ ފުޓްސަލް ދަނޑުގެ މަސައްކަތްތައް ނިމުމަކާ ގާތްވެފައިވާއިރު، މިހާރު ކުރިއަށް ދަނީ ލައިޓް ޕޯސްޓްތައް ހަރުކުރުމުގެ މަސައްކަތް ކަމަށް، ރޯޑް ޑިވެލޮޕްމެންޓް ކޯޕަރޭޝަން (އާރްޑީސީ)އިން ބުނެފިއެވެ.

އަރްޑީސީއިން މިކަން ހާމަކޮށްފައިވަނީ އެކްސްގައި ހިއްސާކުރި ޕޯސްޓެއްގެ ޒަރިއްޔާއިން ކަމަށްވާއިރު، އެ ސަރަހައްދުގެ ގްރައުންޑް ލެވެލިން އަދި ކޮމްޕެކްޓް ކުރުމުގެ މަސައްކަތުގެ 90 އިންސައްތަ ނިމިފައިވާކަން އެ ކޯޕަރޭޝަނުން މީގެ ކުރިންވަނީ ހާމަކޮށްފައެވެ.

ޕަބްލިކް ސެކްޓަރ އިންވެސްޓްމަންޓް ޕްރޮގްރާމްގެ ދަށުން ޅ. ހިންނަވަރުގައި ތަރައްޤީކުރާ ފުޓްސަލް ދަނޑުގެ މަސައްކަތުގެ ތެރެއިން، މިވަގުތު ކުރިއަށްދަނީ ލައިޓްތައް ޕޯސްޓްތަކުގައި ހަރުކުރުމުގެ މަސައްކަތް.#TeamRDC pic.twitter.com/LWQIJJJb88

— Road Development Corporation Ltd (@rdcmaldives) June 23, 2026

ރާއްޖޭގެ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން ހިންނަވަރުގައި އާ ފުޓްސަލް ދަނޑެއް ތަރައްޤީ ކުރަން ފަށާފައިވަނީ، އެ ރަށުގައި  ކުރިން އަޅާފައި އޮތް ދަނޑު ވަރަށް ބޮޑަށް ހަލާކުވެ، ބޭނުންނުކުރެވޭ ހާލަތަށް ގޮސްފައި ވަނިކޮށެވެ. 

މި މަސައްކަތް އާރްޑީސީއާއި ހަވާލުކޮށްފައިވަނީ 29 މާރިޗު 2025 ގައެވެ. އަދި މި  މަޝްރޫއަށް  ސަރުކާރުން 1.7 މިލިއަން ރުފިޔާ ޚަރަދުކުރުމަށް ނިންމާފައިވެއެވެ. ދަނޑުގެ މަސައްކަތް ނިމުމުން  ހިންނަވަރުގެ ކުޅިވަރު ކުޅޭ ފަރާތްތަކަށް ޒަމާނީ ފެންވަރުގެ ވަޞީލަތްތަކާއެކު ކުޅިވަރު ކުޅުމުގެ ފުރުޞަތު ލިބިގެންދާނެއެވެ.