ފަޅުރަށްތައް ހޯދަން ކައުންސިލްތަކުން ހުށައެޅި ބައެއް ޕްރޮޕޯސަލް ތައް އިވެލުއޭޓްކޮށް ނިމިއްޖެ: ވަޒީރު އާދަމް ޝަރީފް

ފަޅުރަށްތައް ހޯދަން ކައުންސިލްތަކުން ހުށައެޅި ބައެއް ޕްރޮޕޯސަލްތައް އިވެލުއޭޓްކޮށް ނިމިއްޖެ ކަމަށް ސިޓީ ތަކާއި އިދާރީ ދާއިރާތައް ހިންގުމާއި އާންމު މަސައްކަތް ތަކާ ބެހޭ ވަޒީރު އާދަމް ޝަރީފް ޢުމަރު ވިދާޅުވެއްޖެއެވެ. 

ވަޒީރު އާދަމް ޝަރީފް ޢުމަރު މިހެން ވިދާޅުވީ އެމަނިކުފާނު އެކްސްގައި ކުރެއްވެވި ޕޯސްޓެއްގައެވެ. 

ވަޒީރު އާދަމް ޝަރީފް ވިދާޅުވީ ކައުންސިލްތަކަށް ފަޅު ރަށްތައް ލިބޭ ގޮތައް ރައީސުލްޖުމްހޫރިއްޔާ ޑރ މުޙައްމަދު މުޢިއްޒު އިޢުލާނު ކުރެއްވެވި ސިޔާސަތުގެ ދަށުން އެކުލައިވައިލި އުސޫލާ އެއްގޮތައް ޕްރޮޕޯސަލް ހުށައެޅުއްވެވި ކައުންސިލްތަކުގެ ތެރެއިން ބައެއް ކައުންސިލްތަކުގެ ޕްރޮޕޯސަލްތައް އިވެލުއޭޓްކޮށް މިއަދު ނިމިފައިވާ ކަމަށެވެ. 

އެގޮތުން ރ.އިނގުރައިދޫ ކައުންސިލް ރ.ނެޔޮ ހޯދުމަށް އެދި ފޮނުވި ޕްރޮޕޯސަލް އާއި ދ.އަތޮޅު ކައުންސިލުން ދ.މިނިމަސްގަލި އަދި ދ.ފެންފުށި ހޯދުމަށް އެދި ފޮނުވި ޕްރޮޕޯސަލް އަދި ލ.މާވަށު ކައުންސިލުން ލ.ބޮޑުމާބުޅަލި ހޯދުމަށް ހުށައެޅި ޕްރޮޕޯސަލްތައް އިވެލުއޭޓް ކޮށް ނިންމައި މިއަންނަ ހަފްތާގައި ރައީސް އޮފީހަށް ފޮނުވާނެ ކަމަށް ވަޒީރު އާދަމް ޝަރީފް ޢުމަރު ވަނީ ވިދާޅުވެފައެވެ. 

ވަޒީރުގެ ޕޯސްޓުގައި އިވެލުއޭޝަން ކޮމިޓީގެ މެމްބަރުންނަށާއި އެވުޒާރާއިން ކޯޑިނޭޓް ކޮށްދެއްވެވި ބޭފުޅުންނަށް ޝުކުރު ދަންނަވައިފައިވެއެވެ.

Council thakah falhurah libey gothah RJ @MMuizzu iulaanu kurevvi siyaasathuge dhashun ekulavaili usoolaa eggothah proposal hushahelhuvvi thireegaivaa Council thakuge proposal evaluate koh miadhu vanee nimifai.
- R. Inguraidhoo Council in R. Neyo,

- Dh. Atoll Council in Dh.… pic.twitter.com/JPdhbMm2oQ

— Adam Shareef Umar (@Adamshareefz) November 28, 2024

ކައުންސިލްތަކުގެ ދަށަށް ފަޅު ރަށްތައް ގެންދިޔުމަށް ހުޅުވާލި ހުޅުވާލުމަކީ ކައުންސިލްތައް މާލީ ގޮތުން ބާރުވެރިކުރުވުމުގެ ގޮތުން ރައީސް ޑރ މުއިއްޒު ކުރެއްވެވި ކަމެކެވެ.