ޚަބަރު
އެސްޓީއޯގެ ދަށަށް ފެނަކަ ގެންދިޔުމުގެ މަސައްކަތް ހުއްޓާލައިފި
އެސްޓީއޯ ގެ އޮފީސް އިމާރާތް.
ހުލާސާ
އެސްޓީއޯގެ ދަށަށް ފެނަކަ ކޯޕަރޭޝަން ގެންދިޔުމުގެ މަސައްކަތް ހުއްޓާލުމަށް މާލީ ވުޒާރާއިން އަންގައިފިއެވެ.
މިކަމާއި ގުޅިގެން އެސްޓީއޯ އިން ބުނެފައިވަނީ އެސްޓީއޯގެ ދަށުން ހިނގާ ކުންފުންޏަކަށް ނުވަތަ ސަބްސިޑަރީއަކަށް ފެނަކަ ބަދަލުކުރުމަށް ކުރަމުންދިޔަ މަސައްކަތް ހުއްޓާލުމަށް މާލީ ވުޒާރާއިން، މިމަހުގެ 24 ވަނަ ދުވަހު އެކުންފުންޏަށް އަންގަވާފައިވާކަމަށެވެ.
އެގޮތުން އެސްޓީއޯއިން ހުށައެޅި، އެކުއިޒިޝަން ޕްރޮޕޯސަލްގައި ހިމެނިފައިވާ ކަންކަން ކުރިއަށްގެންގޮސްފައިވާ މިންވަރު ބެލުމަށްފަހު އެސްޓީއޯގެ ބޯޑުން ގޮތްތަކެއް ނިންމަވާފައިވާކަމަށް އެސްޓީއޯއިން ބުނެފައިވެއެވެ.
އެސްޓީއޯއިން ކުރަމުންދިޔަ މަސައްކަތުގެ ތެރެއިން، ފެނަކައިގެ ހިއްސާ ގަތުމުގެ މަސައްކަތް ހުއްޓާލުމަށް އެސްޓީއޯގެ ބޯޑުން ބުރާސްފަތި ދުވަހު ނިންމާފައިވާތީ އެކަން ކުންފުނީގެ ހިއްސާދާރުންނަށް އަންގާފައިވާ ކަމަށްވެސް އެސްޓީއޯ އިން ވަނީ ބުނެފައެވެ.
