މޫސުން ގޯސްވާނެ ކަމަށް ލަފާކޮށް ރާއްޖޭގެ ދެކުނަށް ހުދު ސަމާލު ނެރެފި

މޫސުން ގޯސްވާނެ ކަމަށް ލަފާކޮށް، މޯލްޑިވްސް މީޓިއޮރޮލޮޖިކަލް ސަރވިސް (މެޓް) އިން، ލ އަތޮޅުން ފެށިގެން އައްޑޫ ސިޓީއަށް ހުދު ސަމާލު ނެރެފިއެވެ. 

މެޓުން ސަމާލު ނެރެފައުވަނީ މިއަދު ހެނދުނު 8:15 އިން ފެށިގެން މެނދުރުފަހު 13:00 އަށެވެ. 

މެޓުން ބުނި ގޮތުގައި، މިއާއެކު ބޯކޮށް ވާރޭވެހި ގުގުރުން އެކަސީގެންވާކަމަށެވެ. އަދި ގަޑިއަކު 40 މޭލަށް ވައި ގަދަވާނެކަމަށް ލަފާކުރެވޭކަމަށް ވެސް ވަނީ ވިދާޅުވެފައެވެ. 

Heavy rain and thunderstorms with gust winds expected in the coming hours. pic.twitter.com/6LoCygoL8y

— Maldives Meteorology (@MetMaldives) June 28, 2026

މިއީ ރާއްޖެއަށް މޫސުން ގޯސް ދުވަސްވަރަކަށް ވީއިރު، މިއަދު ހެނދުނު 4:15 އިން 9:00 އަށް، ހއ އަތޮޅުން ފެށިގެން ދ އަތޮޅަށް، ވައިގަދަވެ ކަނޑުތައް ވެސް ގަދަވާނެ ކަމަށް ލަފާކޮށް މެޓުން ހުދު ސަމާލުނެރުނެވެ. 

ކުރިއަށް އޮތް 24 ގަޑިއިރަށް ބަލާއިރު، އެކިހިސާބަށް ވިއްސާރަކުރާނެ ކަމަށާއި ބައެއް ރަށްތަކަށް ބޯކޮށް ވާރޭވެހި ގުގުރުން އެކަށީގެންވާ ކަމަށް މެޓުން ލަފާކުރެއެވެ. އަދި ހުޅަނގާއި ހުޅަނގުއުތުރުން ގަޑިއަކު 10 މޭލާއި 20 މޭލާ ދެމެދުގެ ބާރުމިނުގައި ވައިޖެހި،  ގަޑިއަކު 40 މޭލު ބާރުމިނަށް ވައިގަދަވުން އެކަށީގެންވާކަމަށް މެޓުން ބުނެއެވެ. އަދި  ކަނޑުތައް އާދައިގެ ވަރަކަށް ގަދަވެ، ވާރޭ ވެހޭ އިރު އިތުރަށް ގަދަވާނެކަމަށް ވަނީ ލަފާކޮށްފައެވެ.