މާދަމާއިން ފެށިގެން ހައިކޯޓް ރިސެސްއަށް ދަނީ

މާދަމާއިން ފެށިގެން ހައިކޯޓް ރިސެސްއަށް ދާނެ ކަަމަށް އެކޯޓުން ހާމަކޮށްފިއެވެ. 

ހައިކޯޓުން ބުނެފައިވަނީ ހައިކޯޓުގެ ޤަވާއިދުގެ4ެ ވަނަ މާއްދާގެ ހ ގައިވާ ގޮތުގެ މަތިން 1 ޑިސެމްބަރު 2024 ވަނަ ދުވަހުން ފެށިގެން، 31 ޑިސެމްބަރު 2024ގެ ނިޔަލަށް ރިސެސްއަށް ދިޔުމަށް ހަމަޖެހިފައިވާ ކަމަށެވެ. 

މީގެއިތުރުން އެކޯޓުން ބުނެފައިވަނީ މި މުއްދަތުގެ ތެރޭގައި ބީ12 ސެކްޝަނުން ބަލާ މައްސަލަތަކާއި މޮނިކޮން އަމުރުތަކާއި އަވަސް ތަބީޢަތުގެ އަމުރުތަކާ ޙުކުން ތަންފީޒުކުރުން ފަސްކުރުމުގެ އަމުރުތަކާ އިޖުރާއީ އިޢުތިރާޟާއިގުޅޭ ނިންމުންތަކުގެ ތެރެއިން މުއްދަތު ހަމަވާ މައްސަލަތައް ހައިކޯޓުގެ ރިސެސްގެ މުއްދަތުގެ ތެރޭގައި ކުރިއަށްދާނެ ކަމަށެވެ.

ހަމަމިއާއި އެކު ޙުކުމް ކުރުމަށް ބާއްވާ ޝަރީޢަތުގެ މަޖިލިސްތައްވެސް ރިސެސްގެ މުއްދަތުގައި ކުރިއަށްދާނެ ކަމަށް ހައިކޯޓުން ވަނީ ބުނެފައެވެ.