ބެލަރޫސްގެ މިނިވަން ދުވަހުގެ ތަހުނިޔާ ދިވެހިރާއްޖޭގެ ޚާރިޖީ ވަޒީރު ފޮނުއްވައިފި

ބެލަރޫސްގެ މިނިވަން ދުވަހުގެ މުނާސަބަތުގައި، ދިވެހިރާއްޖޭގެ ޚާރިޖީ ވަޒީރު އަލްފާޟިލާ އިރުތިޝާމް އާދަމް ތަހުނިޔާގެ މެސެޖެއް ފޮނުއްވައިފިއެވެ. 

ބެލަރޫސްގެ ޚާރިޖީ ވަޒީރު ހިސް އެކްސެލެންސީ މަކްސިމް ރައިޒެންކޯވްއަށް ވަޒީރު ފޮނުއްވި ޚާއްޞަ މެސެޖުގައި ވަޒީރު ވިދާޅުވީ، ދިވެހި ސަރުކާރާއި ދިވެހި ރައްޔިތުންގެ ނަމުގައި، އަދި ވަޒީރުގެ އަމިއްލަ ނަމުގައި އެ ޤައުމުގެ ޚާރިޖީ ވަޒީރަށާއި، ބެލަރޫސްގެ ސަރުކާރަށާއި ރައްޔިތުންނަށް،  ހޫނު މަރުހަބާއެއް ދަންނަވާ ކަމަށެވެ. 

އަދި ހަމަ އެހެންމެ، ބެލަރޫސްގެ ރައްޔިތުންނަށް އަމަންއަމާންކަމާއި ކުރިއެރުމަށް އެދި، އެ ޤައުމުގެ ޚާރިޖީ ވަޒީރަށް ހެޔޮ އެދުންތައް އަރިސްކުރައްވާ ކަމަށް ވަޒީރު ވަނީ ވިދާޅުވެފައެވެ.

🌍Warm greetings to Foreign Minister Maksim Ryzhenkov, the Government and the people of the Republic of Belarus on the occasion of their Independence Day.

I look forward to further strengthening our partnership for the mutual benefit of our people.@BelarusMFA @MoFAmv

— Iruthisham Adam ( Iru) (@IruthishamAdam) July 3, 2026

ވަޒީރުގެ މެސެޖު ނިންމަވާލައްވާފައިވަނީ، ބެލަރޫސްގެ ޚާރިޖީ ވަޒީރަށް ކުރައްވާ މަތިވެރި ޤަދަރު އާކުރައްވާ، އެކަން ޔަޤީންކޮށް އެރުވުމަށްފަހުއެވެ.

 ރާއްޖެއާއި ބެލަރޫސްއާއި ދެމެދު ޑިޕްލޮމެޓިކް ގުޅުމެއް ޤާއިމުވެގެން ގޮސްފައިވަނީ 1993 ވަނަ އަހަރުކަން ފާހަގަކޮށްލެވެއެވެ.