ވޭތުވެދިޔަ ހަފްތާ ތެރޭގައި ކޯސްޓްގާޑުން 64 މެޑިކަލް އިވެކުއޭޝަން ކުރިއަށް ގެންގޮސްފި

 މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) ގެ ކޯސްޓްގާޑުން ފާއިތުވެދިޔަ ހަފްތާގެ ތެރޭގައި ރާއްޖޭގެ އެކި ސަރަހައްދުތަކުން ބަލިމީހުން އުފުލުމުގެ 64 އޮޕަރޭޝަނެއް ކުރިއަށް ގެންގޮސްފިއެވެ.

އެ އިދާރާއިން ހާމަކުރި ތަފާސްހިސާބުތަކަށް ބަލާއިރު، 25 ޖޫން 2026 އިން 2 ޖުލައި 2026 އަށް ކުރިއަށްދިޔަ މި އޮޕަރޭޝަންތަކަކީ ރާއްޖޭގެ އެކި ރަށްރަށުގައި ސިއްހީ އަވަސް ފަރުވާ ބޭނުންވާ މީހުން އެ ފަރުވާތައް ލިބޭނޭ މަރުކަޒުތަކަށް ގެންދިއުމަށް ކުރެވުނު މަސައްކަތްތަކެވެ.

މި އޮޕަރޭޝަންތައް ކޯސްޓްގާޑުގެ އެކި ސްކޮޑްރަންތަކުން ބަހާލެވިފައިވާ ގޮތަކީ: 

• ކޯސްޓްގާޑް ފަސްޓް ސްކޮޑްރަން: 36 މެޑިކަލް އިވެކުއޭޝަން
• ކޯސްޓްގާޑް ސެކަންޑް ސްކޮޑްރަން: 02 މެޑިކަލް އިވެކުއޭޝަން
• ކޯސްޓްގާޑް ތާރޑް ސްކޮޑްރަން: 12 މެޑިކަލް އިވެކުއޭޝަން
• ކޯސްޓްގާޑް ފޯތު ސްކޮޑްރަން: 14 މެޑިކަލް އިވެކުއޭޝަން
• ސީ އެމްބިއުލަންސް E954 : 0 މެޑިކަލް އިވެކުއޭޝަން

މި ތަފާސް ހިސާބުތަކުން ދައްކާގޮތުގައި އެންމެ ގިނަ އޮޕަރޭޝަންތައް ހިންގާފައިވަނީ ފަސްޓް ސްކޮޑްރަންއިންނެވެ. ދެން އެންމެ ގިނަ އޮޕަރޭޝަންތައް ހިންގާފައިވަނީ ފޯތު ސްކޮޑްރަންއިންނެވެ.

ވޭތުވެދިޔަ ހަފުތާގައި ކޯސްޓްގާޑުން ޞިއްޙީ އަވަސް ފަރުވާ ދިނުމަށް ބަލިމީހުން އުފުލުމުގެ 64 މެޑިކަލް އިވެކުއޭޝަން ހަދައިދީފި. pic.twitter.com/VeSqoGhBkb

— Maldives National Defence Force (@MNDF_Official) July 3, 2026

ބަލިމީހުން އުފުލުމަކީ އެމްއެންޑީއެފްއިން ރައްޔިތުންނަށް ފޯރުކޮށްދެމުން އަންނަ އެންމެ މުހިންމު އެއް ހިދުމަތަށް ވާއިރު، މީގެ ސަބަބުން ސިއްހީ ފަރުވާ ބޭނުންވާ ބަލިމީހުންނަށް އެކަށީގެންވާ ފަރުވާ ލިބޭނެ ހޮސްޕިޓަލްތަކަށް އަވަހަށް ވާސިލްވުމަށް މަގުފަހިވެގެންދެއެވެ.