Ads by Exprox

ޚަބަރު

އެއްވެސް ފުލުހަކު އެ އޮންނަ އުސޫލުތަކާ ޚިލާފަށް މަސައްކަތް ކުރާނަމަ އެ ފުލުހަކާ ދޭތެރޭ ފިޔަވަޅު އެޅޭނެ: ސީޕީ ޝުޖާޢު

އެއްވެސް ފުލުހަކު އެ އޮންނަ އުސޫލުތަކާ ޚިލާފަށް މަސައްކަތް ކުރާނަމަ އެ ފުލުހަކާ ދޭތެރޭ ފިޔަވަޅު އެޅޭނެ: ސީޕީ ޝުޖާޢު

ކޮމިޝަނަރ އޮފް ޕޮލިސް ޢަލީ ޝުޖާޢު.

ޙަސްނާ އަޙްމަދް

ޙަސްނާ އަޙްމަދް

30 ނޮވެމްބަރު 2024، 06:04

30 ނޮވެމްބަރު 2024، 06:04

އެއްވެސް ފުލުހަކު އެ އޮންނަ އުސޫލުތަކާ ޚިލާފަށް މަސައްކަތް ކުރާނަަމަ އެ ފުލުހުކާ ދޭތެރޭ ފިޔަވަޅު އެޅޭނެ ކަމަށް ކޮމިޝަނަރ އޮޮފް ޕޮލިސް ޢަލީ ޝުޖާޢު ވިދާޅުވެއްޖެއެވެ.

ސީޕީ ޝުޖާޢު މިހެން ވިދާޅުވީ ދައުލަތުގެ ޓީވީ އިން ގެނެސްދޭ ހަފްތާ 52 ޕްރޮގްރާމްގައި ވާހަކަފުޅުދައްކަވަމުންނެވެ. 

އެޕްރޮގްރާމްގައި ވާހަކަފުޅު ދައްކަވަމުން ސީޕީ ޝުޖާޢު ވިދާޅުވީ ފުލުހުންނަކީ ނުފޫޒުން ސަލާމަތްވެ، ކުށްތަކުން އެއްކިބާވެފައި ތިބި ބަޔަކަށް ހެދުމަށް ވަރަށް ގިނަ މަސައްކަތްތަކެއް މިހާރު ކުރެވެމުން އަންނަ ކަމަށެވެ.

މިކަމާއި ގުޅިގެން ވާހަކަ ދައްކަވަމުން ޝުޖާޢު ވިދާޅުވީ، އެ މަސައްކަތުގެ ތެރެއިން އެފަދަ ކަމެއް ކޮށްފައިވާ ނުވަތަ ކުރަމުން އަންނަ ފަރާތްތަކަށް ފުލުހުންގެ ތެރޭގައި އޮންނަ ނިޒާމުގެ ތެރެއިން ފިޔަވަޅު އަޅާނެ ކަމަށެވެ. 

އެގޮތުން މިހާތަނަށް މިއަހަރު ތެރޭގައި ވެސް ފުލުހުންނާއި ގުޅޭގޮތުން ހުށަހެޅުނު އެކިއެކި ޝަކުވާތަކާއި މައްސަލަތަކަށް ބަލައި، 50 އަށްވުރެ ގިނަ ފުލުހުންނަށް ފިޔަވަޅު އަޅައި 20 ފުލުހުން ވަޒީފާއިން ވަކިކޮށްފައިވާ ކަމަށް ޝުޖާއު ވަނީ ވިދާޅުވެފައެވެ.

މީގެއިތުރުން ޝުޖާޢު ވިދާޅުވީ އެއްވެސް ފުލުހަކު އެ އޮންނަ އުސޫލުތަކާ ޚިލާފަށް މަސައްކަތް ކުރާނަމަ އެ ފުލުހަކާ ދޭތެރޭ ފިޔަވަޅު އެޅޭނެ ކަމަށެވެ.

އެފުލުހުންނަށް ފިޔަވަޅު އަޅާފައިވާކަން ހާމަކުރައްވަމުން ފުލުހުން ވިދާޅުވީ، އެފަދަ މައްސަލައް ފުލުހުން ތަހުގީގު ކުރަމުން އަންނަ، ތުހުމަތު ކުރެވޭ ފުލުހުން ވެސް އެބޭފުޅުން ކުރިއަށް ގެންދާ ތަހުގީގަށް އެއްބާރުލުންދޭ ކަމަށެވެ.

 ޝުޖާޢު ވިދާޅުވީ، އުސޫލެއްގެ ގޮތުން ފުލުހުންނާއި ދެކޮޅަށް ނުވަތަ ފުލުހުންނާއި ބެހޭ ގޮތުން ހުށަހެޅޭ މައްސަލަތަކުގެ ތަހުޤީޤު ހިނގަމުންދާ ގޮތް މީޑިއާތަކަށް ހާމަ ނުކުރައްވާ ކަމަށެވެ.

ނަމަވެސް މިހާރު އެބޭފުޅުންގެ ސިޔާސަތަކީ އެހެން މައްސަލަތަކުގައި މީޑިއާތަކަށް މަޢުލޫމާތު ދޭ އުސޫލުން ފުލުހުންނާއި ބެހޭ ގޮތުން ހުށަހެޅޭ މައްސަލަތަކުގެ މަޢުލޫމާތު ވެސް މީޑިއާތަކަށް ހާމަ ކުރުން ކަމަށް ޝުޖާޢު ވިދާޅުވިއެވެ.

މި ލިޔުން ކިޔާލުމުން

Ads by MSS