މޫސުން ގޯސްވާނެ ކަމަށް ލަފާކޮށް ރާއްޖޭގެ ބޮޑު ބަޔަކަށް ހުދު ސަމާލުނެރެފި

މޫސުން ގޯސްވާނެ ކަމަށް ލަފާކޮށް، ރާއްޖޭގެ މޫސުމާ ބެހޭ އިދާރާ (މެޓް އޮފީސް) އިން ރާއްޖޭގެ ބޮޑު ބަޔަކަށް ހުދު ސަމާލުނެރެފިއެވެ. 

މޫސުމާ ބެހޭ އިދާރާއިން، ވައިގަދަވެ ކަނޑުތައް ގަދަވާނެ ކަމަށް ލަފާކޮށް ހުދު ސަމާލު ނެރެފައިވަނީ ހއ އަތޮޅުން ފެށިގެން އދ އަތޮޅާ ހަމައަށެވެ.

އެގޮތުން، މިއަދު މެންދުރު 12:00 އިން ފެށިގެން، ހަވީރު 17:00 އާހަމައަށް، ގަޑިއަކު 19 މޭލާއި 24 މޭލާ ދެމެދުގެ ބާރުމިނުގައި ވައިޖެހޭނެ ކަމަށާއި، މި ވަގުތުތަކުގައި ކަނޑުތައް ވެސް ގަދަވާނެކަމަށް މެޓުން ބުނެއެވެ. 

Alert white for strong winds of 19 – 24 mph with rough seas. pic.twitter.com/hLXMVmw0v4

— Maldives Meteorology (@MetMaldives) July 4, 2026

މޫސުން ގޯސްވުމުގެ ސަބަބުން، އެ ސަރަހައްދުތަކުގައި ކަނޑުދަތުރުކުރާ ފަރާތްތަކުން އިތުރަށް ސަމާލުވުމަށް މެޓުން އިލްތިމާސްކުރެއެވެ. މޫސުމާ ބެހޭ މަޢުލޫމާތު ފުރިހަމައަށް ހޯދައިގެންދިއުމަށް ސަމާލުކަންދެންޖެހޭއިރު، މުވާސަލާތީ ވަސީލަތްތަކާއި ސަލާމަތާ ތައްކާތެރިކަމުގެ ވަސީލަތްތައް ހަމަކޮށްގެން ކަނޑުމައްޗަށް އެރުމަށް ސަމާލުކަން ބަހައްޓަންޖެހެއެވެ.

ރާއްޖޭގެ އެހެން ހިސާބުތަކަށް މޫސުން އާއްމުގޮތެއްގައި ރަނގަޅެވެ. ނަމަވެސް އުތުރާ ދެކުނުގެ ބައެއް ރަށްތަކަށް ކޮންމެވެސްވަރަކަށް މޫސުން ގޯސްވާނެކަމަށް ލަފާކުރެވޭ ކަމަށް މެޓުން ވިދާޅުވެއެވެ.