ވިއްސާރައިގައި ގެއްލުންވި އައްޑޫ ސިޓީގެ ގެއަކަށް އެހީތެރިކަން ފޯރުކޮށްދޭން ފަށައިފި

މިހާރު ރާއްޖެއަށް ކުރަމުންދާ ވިއްސާރައިގައި ގެއްލުންވި އައްޑޫސިޓީގެ ގެއަކަށް އެހީތެރިކަން ފޯރިކޮށްދޭން ފަށައިފައިވާ ކަމަށް ނޭޝަނަލް ޑިޒާސްޓަރ މެނޭޖްމަންޓު އޮތޯރިޓީ އިން ބުނެފިއެވެ.

އެންޑީއެމްއޭ އިން އެކްސްގައި ކޮށްފައިވާ ޕޯސްޓެއްގައި ބުނެފައިވަނީ މިހާރު ރާއްޖެއަށް ކުރަމުންދާ ވިއްސާރައިގައި އައްޑޫސިޓީ މަރަދޫ ފޭދޫއަށް ވައިގަދަވެ ގެއެއްގެ ފުރާޅު އެއްލާލުމާއި ގުޅިގެން އެ ގޭގެ ފަރާތްތަކަށް އެހީތެރިކަން ފޯރުކޮށްދިނުމުގެ މަސައްކަތް އައްޑޫސިޓީ ކައުންސިލާއި ގުޅިގެން އެއޮތޯރިޓީ އިން ކުރަމުންއަންނަ ކަމަށެވެ. 

މިހާރު ރާއްޖެއަށް ކުރަމުންދާ ވިއްސާރައިގަ އައްޑޫ ސިޓީގެ މަރަދޫ ފޭދޫއަށް ވައިގަދަވެ ގެއެއްގެ ފުރާޅު އެއްލާމުމާއި ގުޅިގެން އެ ގޭގެ ފަރާތްތަކަށް އެހީތެރިކަން ފޯރުކޮށްދިނުމުގެ މަސައްކަތް އަައްޑޫ ސިޓީ ކައުންސިލްއާއި ގުޅިގެން މި އޮތޯރިޓީން މި އަންނަނީ ކުރަމުން. pic.twitter.com/BfHiuRNEKc

— NDMA Maldives (@NDMAmv) November 30, 2024

އެންޑީއެމްއޭ އިން އިތުރަށް ބުނެފައިވަނީ އެގޭގައި 13 މީހުންނާއި 12 އަހަރުން ދަށުގެ 4 ކުދިން ދިރިއުޅެމުންދާ ކަމަށާއި، އެމީހުން އާއިލާގެ އެހެން ގޭގެއަށް ބަދަލު ކުރެވިފައިވާ ކަމަށްވެސް އެންޑީއެމްއޭ އިން ވަނީ ބުނެފައެެވެ. 

މިދުވަސްވަރަކީ ވިއްސާރަ ދުވަސްވަރެއް ކަމުން މޫސުމަށް ސަމާލުވުމަށް ކަމާބެހޭ އިދާރާތަކުން އަންނަނީ އާންމުންނަށް އިލްތިމާސްކުރަމުންނެވެ.