ޚަބަރު
މޫސުން ގޯސްވާނެ ކަމަށް މުޅި ރާއްޖެއަށް ހުދު ސަމާލު ނެރެފި
ކަނޑު ގަދަ ދުވަހެއްގައި ކަނޑުމަތީގައި ދެދޯނި ދުއްވާފައިދަނީ. ފޮޓޯ: ރާއްޖެއެމްވީ
މުޅި ރާއްޖެއަށް މޫސުން ގޯސްވާނެ ކަމަށް ލަފާކޮށް މެޓް އޮފީހުން މުޅި ރާއްޖެއަށް ހުދު ސަމާލުނެރެފިއެވެ.
މެޓް އޮފީހުން ނެރެފައިވާ ހުދު ސަމާލުގައި ބުނެފައިވަނީ މިރޭގެ 18:30ން ފެށިގެން މިރޭގެ 1:00 އާއި ހަމައަށް މުޅި ރާއްޖެއަށް މޫސުން ގޯސްވާނެ ކަމަށެވެ.
އަދި ގަޑިއަކު 19 މޭލާއި 24 މޭލާއި ދެމެދުގެ ބާރުމިނުގައި ވައި ޖެހޭނެ ކަމަށާއި ވިލާގަނޑުގައި 40 މޭލަށް ވައިގަދަވެ ކަނޑުތައް ގަދަވާނެ ކަމަށް ލަފާކުރެވޭ ކަމަށެވެ.
Alert White extended for strong winds of 19 - 24 mph with gusts of 40 mph and rough seas. pic.twitter.com/J3cJHdQ72g
— Maldives Meteorology (@MetMaldives) November 30, 2024
މީގެއިތުރުން މިއަދުގެ މެންދުރު 12:30ން ފެށިގެން މިރޭގެ އިރުއޮއްސި 18:30 އަށް މޫސުން ގޯސްވާނެ ކަމަށް ލަފާކޮށް މެޓް އޮފީހުން މުޅި ރާއްޖެއަށް ހުދު ސަމާލުނެރެފައިވެއެވެ.
މޫސުން ގޯސް މިފަދަ ދުވަސްވަރު މޫސުމަށް ސަމާލުވުމަށް ކަމާބެހޭ އިދާރާތަކުން އަންނަނީ އިރުޝާދު ދެމުންނެވެ. އެގޮތުން ކަނޑުދަތުރުފަތުރު ކުރާ ފަރާތްތަކުން މޫސުމަށް ސަމާލުވުމަށް ޚާއްސަކޮށް ދަނީ އިރުޝާދުދެމުންދެއެވެ.
