ވައްކަމުގެ މައްސަލައެއްގައި ފުލުހުން މީހަކު ހޯދަނީ

ވައްކަންކުރިކަމުގެ މައްސަލައެއްގައި މީހަކު ހޯދަމުންދާކަމަށް ދިވެހި ފުލުހުންގެ ޚިދުމަތުން ވިދާޅުވެއްޖެއެވެ.

ފުލުހުންގެ ޚިދުމަތުން ވަނީ ވައްކަންކުރި މީހާގެ ޙަރަކާތްތައް ދައްކުވައިދޭ ވީޑިއޯއެއް ޢާންމުކޮށް، އެމީހާ ހޯދުމަށް އާންމުންގެ އެހީތެރިކަމަށް އެދިފައެވެ.

ފުލުހުން ވިދާޅުވެފައިވަނީ، އެ ވީޑިޔޯއިން ފެންނަ މީހާއަކީ ހެންވޭރު ޕޮލިސް ސްޓޭޝަނުން ތަޙުޤީޤު ކުރަމުންދާ މައްސަލައަކާ ގުޅިގެން ހޯދަން ބޭނުންވެފައިވާ މީހެއް ކަމަށެވެ. ނަމަވެސް، އެމީހާއަކީ ކާކުކަން ދެނެގަނެވިފައިނުވާތީ މިހާތަނަށް އެމީހާ ހޯދިފައިނުވާކަމަށް ފުލުހުން މަޢުލޫމާތުދެއެވެ.

ވީޑިޔޯއިން ފެންނަގޮތުގައި، އޭނާ ވައްކަންކޮށްފައިވަނީ އޭޓީއެމްއަކުންނެވެ. 

އެހެންކަމުން، އެ ވީޑިއޯއިން ފެންނަ މީހާއާ ބެހޭ އެއްވެސް މަޢުލޫމާތެއް ލިބިފައިވާނަމަ ހެންވޭރު ޕޮލިސް ސްޓޭޝަންގެ ނަންބަރު 9400053 އަށް ނުވަތަ ފުލުހުންގެ ނަންބަރު 3322111 އަށް  ގުޅުއްވައި ހިއްސާކުރެއްވުމަށް ފުލުހުން ވަނީ އެދިފައެވެ.

We are seeking the public’s assistance to identify the individual seen in the video as part of an ongoing investigation by the Henveiru Police Investigation.

If you have any information, please contact the police at 3322111 or Henveiru Police Investigation at 9400053.

More… pic.twitter.com/c3oYUWBfnd

— Maldives Police (@PoliceMv) July 8, 2026

ހަމަ އެހެންމެ، މިފަދަ މީހުން ހޯދުމުގައި ރައްޔިތުންގެ ފަރާތުން ފުލުހުންނަށް ލިބެމުންދާ އެއްބާރުލުން ފާހަގަކޮށް، އެކަމަށް ފުލުހުން ޝުކުރު ދަންނަވާފައިވެއެވެ.