ރާއްޖެއަށް ބިންހެލުމެއްގެ އަސަރުކޮށްފައިވާކަމަށް ބުނެ ދެކެވޭ ވާހަކަތައް ދޮގުކޮށްފި

ދިވެހިރާއްޖެއަށް ބިންހެލުމެއްގެ އަސަރުކޮށްފައިވާކަމަށް ބުނެ ދެކެވޭ ވާހަކަތައް ރާއްޖޭގެ މޫސުމާ ބެހޭ އިދާރާއިން ދޮގުކޮށްފިއެވެ.

"ފަރުދުން" މީޑިއާއަށް މަޢުލޫމާތު ދެމުން އެ އިދާރާއިން ބުނީ، ބިންހެލުން އައިސްފައިވަނީ ޗާގޯސް ސަރަހައްދަށް ކަމަށާއި، އަދި އެ ބިންހެލުމުގެ ބާރުމިނަށް ބަލާއިރު، އޭގެ އެއްވެސް އަސަރެއް ރާއްޖެއަށް ނުފޯރާނެކަމަށެވެ.

ޗާގޯސް ސަރަހައްދަށް އައި ބިންހެލުމަކީ 5.4 މެގްނިޓިއުޑްގެ ބާރުމިނުގައި ރެކޯޑު ކުރެވިފައިވާ ބިންހެލުމެކެވެ.

އެއީ ރާއްޖެ ގަޑިން އިރުއޮއްސެން ކައިރިވެފައި ވަނިކޮށް އެ ސަރަޙައްދަށް އައި ބިންހެލުމެކެވެ.

މި ބިންހެލުން އައިސްފައި ވަނީ އައްޑޫސިޓީއާއި 933 ކިލޯމީޓަރު ދުރުންނެވެ.