Ads by Exprox

ޚަބަރު

މާލެ ސަރަހައްދުގައި 13،000 ހައުސިން ޔުނިޓް އެޅުމަށް އެފްޑީސީން ނިންމައިފި

މާލެ ސަރަހައްދުގައި 13،000 ހައުސިން ޔުނިޓް އެޅުމަށް އެފްޑީސީން ނިންމައިފި

ހުޅުމާލެ ފޭސް 2 ގައި އެފްޑީސީއިން ތަރައްޤީ ކުރާ ބޯހިޔާވަހިކަމުގެ މަޝްރޫޢު ފޮޓޯ: އެފްޑީސީ

އާމިނަތު ޔުމްނާ

އާމިނަތު ޔުމްނާ

01 ޑިސެމްބަރު 2024، 12:56

01 ޑިސެމްބަރު 2024، 12:56

މާލެ ސަރަހައްދުގައި އިޖުތިމާޢީ ބޯހިޔާވަހިކަން ކަށަވަރުކުރުމަށްޓަކައި 13،000 ހައުސިން ޔުނިޓް ތަރައްޤީކުރުމުގެ މަޝްރޫޢުއެއް ކުރިއަށް ގެންދިޔުމަށް ފަހި ދިރިއުޅުން ކޯޕަރޭޝަން (އެފްޑީސީ) އިން ނިންމައިފިއެވެ. މި މަޝްރޫޢުތައް ކުރިއަށް ގެންދިޔުމަށްޓަކައި އެފްޑީސީން ވަނީ ރާއްޖެއިން ބޭރުގެ 3 ކުންފުންޏަކާއެކު ފްރޭމްވޯކް އެއްބަސްވުންތަކެއްގައި ސޮއިކޮށްފައެވެ.

އެފްޑީސީގެ މެނޭޖިން ޑިރެކްޓަރ ހަމްދާން ޝަކީލް ޕީއެސްއެމް ނިއުސްއަށް ދެއްވި މަޢުލޫމާތުގައި ވިދާޅުވީ، މާލެ ސަރަޙައްދުގައި ސޯޝަލް ހައުސިން ނުވަތަ އިޖުތިމަޢީ ބޯހިޔާވަހިކަމުގެ އިތުރު މަޝްރޫޢުތަކެއް ކުރިއަށް ގެންދިޔުމަށް އެކުންފުނިން ނިންމާފައިވާ ކަމަށެވެ. މިގޮތުން މިއަހަރުގެ ކުރީކޮޅު ސްރީލަންކާގެ ކުންފުންޏަކާއެކު 3،000 ހައުސިން ޔުނިޓް ތަރައްޤީކުރުމުގެ ފްރޭމްވޯކް އެއްބަސްވުމެއްގައި ސޮއިކޮށްފައިވާ ކަމަށާއި، މިހާރު ކުރިއަށްދަނީ އެ މަޝްރޫޢުއަށް ބޭނުންވާ ފައިނޭންސް ހޯދުމުގެ މަސައްކަތް ކަމަށް ފާހަގަކުރެއްވިއެވެ.

މީގެ އިތުރުން ބޭރުގެ އިތުރު 2 ކުންފުންޏަކާއެކު ޖުމުލަ 10،000 ހައުސިން ޔުނިޓް ތަރައްޤީކުރުމުގެ ފްރޭމްވޯކް އެއްބަސްވުމެއްގައިވެސް ސޮއިކޮށްފައިވާ ކަމަށް ހަމްދާން ވިދާޅުވިއެވެ. މި މަޝްރޫޢުތައް ކުރިއަށް ގެންދަނީ ބޭރުގެ އެކި ފައިނޭންސް އެޖެންސީތަކުން ލޯނު ނަގައިގެން ކަމަށްވެސް އޭނާ ހާމަކުރެއްވިއެވެ.

މި މަޝްރޫޢުތައް ކުރިއަށް ގެންދިޔުމަށް ހަމަޖެހިފައިވަނީ ބޭރުން ލޯނު ނަގައިގެން. އަދި 2 މަސްދުވަހުގެ ތެރޭގައި އެ މަޝްރޫޢުތައް ކުރިއަށް ގެންދިޔުމުގެ ހުއްދަ ހޯދުމަށް ސަރުކާރަށް ހުށައަޅާނެ. ކުރިއަށްއޮތް 4 މަސްދުވަހުގެ ތެރޭގައި މަޝްރޫޢުތައް އިފްތިތާހްކުރާނެ

ހަމްދާން ވިދާޅުވިއެވެ.

މިހާރު އެފްޑީސީން ކުރިއަށްގެންދަނީ ހަމައެކަނި ހުޅުމާލެ ދެވަނަ ފިޔަވަހީގައި 4،000 ހައުސިން ޔުނިޓް ތަރައްޤީކުރުމުގެ މަޝްރޫޢުއެވެ. މި މަޝްރޫޢުގެ މަސައްކަތް އަންނަ އަހަރުގެ ތެރޭގައި ނިންމުމަށް އަމާޒު ހިފާފައިވާއިރު، އެ މަޝްރޫޢުއަށް ނުދައްކާ އޮތް 178 މިލިއަން ރުފިޔާ ދައްކާ ޚަލާސްކޮށްފައިވެއެވެ.


                    

މި ލިޔުން ކިޔާލުމުން

Ads by MSS