ދުނިޔެ
އެމެރިކާ ޑޮލަރު ބަދަލުކުރުމަށް އައު ފައިސާއެއް ތަޢާރަފުނުކުރުމަށް ޓްރަމްޕް ބްރިކްސް ޤައުމުތަކަށް އިންޒާރުދީފި

ބްރިކްސް މެންބަރު ޤައުމުތައް ފޮޓޯ: އިންޓަރނެޓް
އެމެރިކާގެ ކުރީގެ ރައީސް އަދި ރިޔާސީ ކެންޑިޑޭޓް ޑޮނަލްޑް ޓްރަމްޕް ވަނީ ބްރިކްސް މެންބަރު ޤައުމުތަކަށް ހަރުކަށި އިންޒާރެއް ދެއްވާފައެވެ. އެމެރިކާ ޑޮލަރު ބަދަލުކުރުމަށް އައު ފައިސާއެއް ތަޢާރަފުކޮށްފިނަމަ ނުވަތަ އެހެން ފައިސާއަކަށް ތާއީދުކޮށްފިނަމަ 100% ޓެރިފް ކުރިމަތިވާނެ ކަމަށް އޭނާ ވިދާޅުވެފައިވެއެވެ.
ހޮނިހިރު ދުވަހު އޭނާގެ ސޯޝަލް މީޑިއާ ޕްލެޓްފޯމް "ޓްރޫތް ސޯޝަލް" ގައި ޕޯސްޓެއް ކުރައްވައި ޓްރަމްޕް ވިދާޅުވެފައިވަނީ މި ޤައުމުތަކުން އައު ބްރިކްސް ފައިސާއެއް ނުއުފައްދާނެ ކަމުގެ ޔަޤީންކަން ބޭނުންވާ ކަމަށެވެ. އަދި އެމެރިކާ ޑޮލަރު ބަދަލުކުރުމަށް އެހެން ފައިސާއަކަށްވެސް ތާއީދު ނުކުރާނެ ކަމުގެ ޔަޤީންކަން ބޭނުންވާ ކަމަށް އޭނާ ވިދާޅުވިއެވެ.
އެހެން ނޫންނަމަ އެމީހުންނަށް ކުރިމަތިވާނީ 100% ޓެރިފްއެވެ. އަދި އެމެރިކާގެ ފުރިހަމަ އިޤްތިޞާދަށް އެއްޗެހި ވިއްކުމާ ވަކިވެލާން ޖެހޭނެއެވެ
ޓްރަމްޕް ވިދާޅުވިއެވެ.
މީގެ އިތުރުން ޓްރަމްޕް ވިދާޅުވެފައިވަނީ ބައިނަލްއަޤްވާމީ ވިޔަފާރީގައި އެމެރިކާ ޑޮލަރު ބަދަލުކުރެވޭނެ ކަމަކަށް ޤަބޫލުނުކުރައްވާ ކަމަށެވެ. އަދި އެކަމަށް މަސައްކަތްކުރާ ޤައުމުތަކުން އެމެރިކާއާ ވަކިވެލާން ޖެހޭނެ ކަމަށްވެސް އޭނާ ވިދާޅުވިއެވެ.
ޓްރަމްޕްގެ މި ބަސްފުޅުތައް އަމާޒުވެފައިވަނީ ބްރެޒިލް، ރަޝިޔާ، އިންޑިއާ، ޗައިނާ އަދި ސައުތު އެފްރިކާ ހިމެނޭ ބްރިކްސް ބްލޮކަށެވެ. މި ބްލޮކުން ވަނީ ފަހަކަށް އައިސް އެމެރިކާ ޑޮލަރަށް ބަދަލު ގެނައުމުގެ މަޝްވަރާތައް ކުރަމުން ގެންދާ ކަމަށް ބައެއް ރިޕޯޓުތަކުގައި ބުނެފައެވެ.