ކޮންގްރެސް ޕާޓީގެ އެތެރޭގެ އިންތިޚާބުގެ ވޯޓުލުން މާދަމާ

ޕީޕަލްސް ނޭޝަނަލް ކޮންގްރެސް (ޕީއެންސީ) ގެ އެތެރޭގެ އިންތިޚާބުކުރިއަށްދާނެ ސަރަހައްދުތައް އެ ޕާޓީން އިޢުލާނުކޮށްފިއެވެ.

މި އިންތިޚާބުގެ ވޯޓުލުން ބޭއްވުމަށް ހަމަޖެހިފައިވަނީ މާދަމާ 11 ޖުލައި 2026 ވާ ހޮނިހިރު ދުވަހުއެވެ.  ހެނދުނު 9:00 އިން ހަވީރު 4:00 އާ ހަމައަށް ވޯޓުލުން ކުރިއަށްދާނެ ކަމަށް އެ ޕާޓީން މަޢުލޫމާތުދެއެވެ.

އަތޮޅުތެރޭގެ ރަށްރަށުގައި ވޯޓުލުން ކުރިއަށްދާނީ އެރަށެއްގައި ވޯޓުލުމަށް ޚާއްޞަކޮށް ކަނޑައަޅާފައިވާ ސަރަހައްދުތަކުގައެވެ. މާލެ ސަރަހައްދުގައި ވޯޓުލުން ކުރިއަށްދާނެ މަރުކަޒުތަކަކީ:

• އަމީނިއްޔާ ސްކޫލް: މާލެ، އައްޑޫ ސިޓީ، ފުވައްމުލަކު ސިޓީ އަދި ތިނަދޫ ސިޓީގެ ދާއިރާތަކަށް ރަޖިސްޓްރީވެފައިވާ ފަރާތްތަކަށް.
  
• އިސްކަންދަރު ސްކޫލް: ސިޓީތައް ފިޔަވައި އަތޮޅުތަކުގެ އެހެނިހެން ދާއިރާތަކަށް މާލޭގައި ތިބި މީހުން ވޯޓުލުމަށް.
  
• ކާމިލުދީދީ ޕްރީސްކޫލް (ހުޅުމާލެ ފޭސް 2): ހުޅުމާލެ އުތުރު ދާއިރާގެ ވޯޓުލުމަށް.
  
• ރެހެންދި ސްކޫލް (ހުޅުމާލެ ފޭސް 1): ހުޅުމާލެ ދެކުނު ދާއިރާގެ ވޯޓުލުމަށް.
  
• މުޙްޔިއްދީން ސްކޫލް (ވިލިމާލެ): ވިލިމާލެ ދާއިރާގެ ވޯޓުލުމަށް.

މި އިންތިޚާބަކީ ޕާޓީގެ އެތެރޭގެ ހިންގުން ހަރުދަނާކުރުމަށާއި، ދާއިރާތަކުގެ މަޤާމުތަކަށް މީހުން އިންތިޚާބު ކުރުމަށް ބާއްވާ މުހިންމު އިންތިޚާބެކެވެ. 

ކޮންގްރެސް ޕާޓީގެ އެތެރޭގެ އިންތިޚާބުގެ ވޯޓުލުން - މާލެ ސަރަހައްދު#DhiveheengeRaajje #CongressPartyMV pic.twitter.com/Ojo0AUoEXa

— PNC Secretariat (@pnc_secretariat) July 9, 2026