ސްޓެލްކޯގެ ދެމެހެއްޓެނިވި ހަކަތައަށް އެޅި ފިޔަވަޅު: ދިވެހިރާއްޖޭގެ ކަރަންޓުގެ ދާއިރާއަށް ތިމާވެއްޓާ ރައްޓެހި ބަދަލެއް

ދެމެހެއްޓެނިވި މުސްތަޤްބަލަކާ ދިމާއަށް ދިވެހިރާއްޖެ ކުރަމުންދާ ދަތުރު އިތުރަށް ހަލުވިވަމުންދާއިރު، ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އިން ވަނީ އެ ކުންފުނީގެ މެނޭޖިންގ ޑިރެކްޓަރ ޙުސައިން ފަހުމީގެ އިސްނެގުމުގެ ދަށުން ހަކަތައިގެ ދާއިރާއަށް ބޮޑެތި ބަދަލުތަކެއް ގެނެސްދޭނެ މަޝްރޫޢުތަކެއް ހާމަކޮށްފައެވެ. ޤައުމުގެ ކަރަންޓުގެ ދާއިރާއަށް އިންޤިލާބީ ބަދަލެއް ގެނައުމުގެ ތަޞައްވުރާއެކު، ސްޓެލްކޯއިން ވަނީ ޓައިމް-އޮފް-ޔޫސް (ޓީއޯޔޫ) ޓެރިފްތަކެއް ތަޢާރަފުކުރުމާއި އިއާދަކުރަނިވި ހަކަތައިގެ ހައްލުތައް ފުޅާކުރުމަށް  މަސައްކަތް ފަށާފައެވެ. މިއީ ދިވެހިން ކަރަންޓު ބޭނުންކުރާ ގޮތަށް މުހިންމު ބަދަލެއް ގެނެސްދޭނެ ކަމެކެވެ.

ވަގުތަށް ބަލައިގެން ކަނޑައަޅާ ޓެރިފްތައް: ކަރަންޓު ބޭނުންކުރުމުގެ ވިސްނުންތެރި ގޮތެއް

މި މަސައްކަތުގެ އެންމެ ކުރީ ސަފުގައި އޮތީ ގިނަ ބަޔަކު ބަލައިގަތުމަށް އިންތިޒާރުކުރަމުންދާ ޓީއޯޔޫ ޓެރިފްތައް ތަޢާރަފުކުރުމެވެ. މިއީ ކަރަންޓުގެ އަގު ޕީކް އަދި އޮފް-ޕީކް ގަޑިތަކަށް ބަލައި ތަފާތުވާނެ އައު ނިޒާމެކެވެ. ކަރަންޓު ގިނައިން ބޭނުންވާ ކަންކަން އޮފް-ޕީކް ގަޑިތަކަށް ބަދަލުކުރުމަށް ކަސްޓަމަރުން ބާރުއަޅައި، މި އިސްނެގުމުގެ މަޤްޞަދަކީ ކަރަންޓު ވިއުގައަށް ކުރާ ބުރަ ލުއިކުރުމާއެކު ގޭބިސީތަކަށާއި ވިޔަފާރިތަކަށް މާލީ ގޮތުން ފައިދާތަކެއް ހޯދައިދިނުމެވެ.

ޓައިމް-އޮފް-ޔޫސް ޓެރިފްތަކުން އަޅުގަނޑުމެންގެ ކަސްޓަމަރުންގެ މާލީ ބުރަ ލުއިކޮށްދޭނެ އެކަންޏެއް ނޫން. އޭގެ އިތުރުން އިއާދަކުރަނިވި ހަކަތަ، މިސާލަކަށް އިރުގެ އަލިން އުފައްދާ ހަކަތަ އިތުރަށް ބޭނުންކުރުމަށް މަގުފަހިކޮށްދޭނެ

ފަހުމީ ވިދާޅުވިއެވެ.

މި ނިޒާމުން ކަސްޓަމަރުންނަށާއި ތިމާވެއްޓަށް ވެސް ފައިދާވާނެ ގޮތެއް އުފެއްދޭނެކަމަށް ބެލެވެއެވެ. އެއީ ހަކަތަ ބޭނުންކުރުމުގެ ވިސްނުންތެރި އާދަތަކަށް ހިތްވަރުދީ، އަގުބޮޑު ފޮސިލް ފިއުލްއަށް ބަރޯސާވާ މިންވަރު މަދުކުރެވޭނެތީއެވެ.

އިރުގެ އަލިން އުފައްދާ ހަކަތަ: އިރުގެ ޤާބިލުކަން ބޭނުންކުރުން

 އިއާދަކުރަނިވި ހަކަތަ ތަޢާރަފުކުރުމުގެ ހިތްވަރުގަދަ ފިޔަވަޅެއްގެ ގޮތުން، ސްޓެލްކޯއިން ވަނީ ބެޓަރީ އެނަރޖީ ސްޓޯރޭޖް ސިސްޓަމްސް (ބީއީއެސްއެސް) އަށް ބޮޑެތި އިންވެސްޓްމަންޓްތަކެއް ކުރަން ފަށާފައެވެ. މި ޒަމާނީ ސިސްޓަމްތަކުން ދުވާލުގެ ވަގުތުތަކުގައި އުފައްދާ އިތުރު އިރުގެ ހަކަތަ ރައްކާކޮށް، އަވި ނުލިބޭ ދުވަސްތަކުގައި ނުވަތަ ރޭގަނޑުގެ ވަގުތުތަކުގައި ވެސް ހަކަތަ މެދުނުކެނޑި ލިބޭނެކަން ކަށަވަރުކޮށްދޭނެއެވެ.

އަޅުގަނޑުމެންގެ މަޤްޞަދަކީ ރާއްޖޭގައި ލިބެންހުރި އިއާދަކުންހުރި އިއާދަކުރަނިވި ވަސީލަތްތަކުގެ ޤާބިލުކަން އެންމެ މަތީ ދަރަޖައަކަށް ބޭނުންކުރުމާއެކު، ބޭރުން އެތެރެކުރާ ފޮސިލް ފިއުލްއަށް ބަރޯސާވާ މިންވަރު މަދުކުރުން

ފަހުމީ ވަދާޅުވިއެވެ.

އަދި ޤައުމުގެ ތިމާވެއްޓާ ރައްޓެހި ހަކަތައިގެ ބަދަލުވުމުގައި އިރުގެ އަލިން އުފައްދާ ހަކަތައަކީ މުހިންމު ބައެއްކަން ފާހަގަކުރެއްވިއެވެ.

ދުނިޔެއަށް މިސާލަކަށްވުން

ސްޓެލްކޯގެ މި މަޝްރޫޢުތަކަކީ ފިންލޭންޑު އަދި ޔޫކޭ ފަދަ ޤައުމުތަކުގައި ފެންނަމުންދާ ދުނިޔޭގެ ހަކަތައިގެ ޓްރެންޑްތަކާ އެއްގޮތް ކަންތައްތަކެކެވެ. އެ ޤައުމުތަކުގައި ވެސް ބޭނުންކުރަނީ އިއާދަކުރަނިވި ހަކަތަ އެންމެ ފުރިހަމައަށް ބޭނުންކުރެވޭނެ ޑައިނަމިކް އަގު ކަނޑައެޅުމުގެ މޮޑެލްތަކެކެވެ. މި ކުރިއެރުންތަކުން ކަރަންޓު ވިއުގައިގެ ސްޓެބިލިޓީ ރަނގަޅުވެ، ހަކަތައިގެ އަގު ދަށްވެ، އަދި ގްރީންހައުސް ގޭސް ބޭރުވާ މިންވަރު މަދުވާނެކަމަށް ފަހުމީ ފާހަގަކުރެއްވިއެވެ. އަދި މިއީ ޖަޒީރާ ޤައުމުތަކަށް މިސާލަކަށްވާނެ ކަމެއްކަމަށް ވެސް ވިދާޅުވިއެވެ.

ސްޓެލްކޯއިން ވަނީ ދިވެހިރާއްޖެ ދެމެހެއްޓެނިވި ހަކަތައިގެ މުސްތަޤްބަލަކާ ދިމާއަށް ގެންދިއުމަށް ވަރަށް ބޮޑަށް މަސައްކަތްކުރުމަށް އަޒުމު ކަނޑައަޅާފައި

ފަހުމީ ވިދާޅުވިއެވެ.

ސްޓެލްކޯގެ އަމާޒު ތިމާވެއްޓާ ރައްޓެހި މާދަމާއަކަށް

މި ހިތްވަރުގަދަ މަޝްރޫޢުތަކަކީ ދިވެހިރާއްޖެއަށް އައު ޒަމާނެއްގެ ފެށުމެކެވެ. މިއީ އެންމެ ޒަމާނީ ޓެކްނޮލޮޖީއާއި ތިމާވެށި ރައްކާތެރިކުރުމުގެ ޒިންމާދާރުކަން އެއްކޮށްލެވިފައިވާ މަސައްކަތްތަކެކެވެ. ސްޓެލްކޯއިން މި މަސައްކަތްތައް ހަލުވިކުރަމުންދާއިރު، ކުންފުނިން މިހާރުގެ ހަކަތައިގެ ގޮންޖެހުންތަކަށް ހައްލު ހޯދަމުންދަނީ އެކަންޏެއް ނޫނެވެ. އޭގެ އިތުރުން ދެމެހެއްޓެނިވި އަދި ވިލުންވެރި މުސްތަޤްބަލަކަށް ބޭނުންވާނެ ކަން ކަންތައްތަކުގެ ނަމޫނާއެއް ވެސް އުފައްދަމުންދެއެވެ.

ޓީއޯޔޫ ޓެރިފްތަކާއި އިއާދަކުރަނިވި ހަކަތަ ތަޢާރަފުކުރުން ކައިރި މުސްތަޤްބަލެއްގައި ފެންނާނެކަމަށް ބެލެވޭއިރު، ސްޓެލްކޯގެ މި މަސައްކަތްތަކުން ދިވެހިރާއްޖެއަށް ބާރުވެރިކަން ގެނެސްދޭނެކަން ކަށަވަރެވެ. އަދި އެހެން ޤައުމުތަކަށް ވެސް މިފަދަ މަސައްކަތްތަކެއް ކުރުމަށް ހިތްވަރު ލިބިގެންދާނެއެވެ. ތިމާވެއްޓާ ރައްޓެހި، ވިސްނުންތެރި ހަކަތައިގެ ނިޒާމަކާ ދިމާއަށް ކުރާ ދަތުރު މިހާރު ވަނީ ފެށިފައެވެ. އަދި ސްޓެލްކޯ ވަނީ މި ދަތުރުގެ ހަރުދަނާ ރޭވުންތެރިއެއްގެ ގޮތުގައި ސާބިތުވެފައެވެ.