ޚަބަރު
ބްރޮޑްކާސްޓަރުން ގެނެސްދޭ ކޮންޓެންޓްތައް ޤާނޫނު ތަކަށް ފެތޭގޮތަށް ގެނެސްދިނުމަށް އިލްތިމާސްކޮށްފި
ބްރޮޑްކޮމްގެ އޮފީސް.
ބްރޮޑްކާސްޓަރުން ގެނެސްދޭ ކޮންޓެންޓްތައް ޤާނޫނު ތަކަށް ފެތޭގޮތައް ގެނެސްދިނުމަށް މޯލްޑިވްސް ބްރޯޑްކާސްޓިންގ ކޮމިޝަނުން އިލްތިމާސްކޮށްފިއެވެ.
އެކޮމިޝަނުން މިގޮތައް އިލްތިމާސް ކޮށްފައިވަނީ އެކްސްގައި ކޮށްފައިވާ ޕޯސްޓެއްގައެވެ.
އެކޮމިޝަންގެ ޕޯސްޓުގައި ބުނެފައިވަނީ ބްރޮޑްކާސްޓު ކުރާ ބައެއް ޗެނަލްތަކުން ގެނެސްދޭ ބައެއް ކޮންޓެންޓް އާންމު އިޖްތިމާޢީ މިންގަނޑާ ޚިލާފަށް ހުންނަކަން އެކޮމިޝަނަށް ފާހަގަ ކުރެވިފައިވާ ކަމަށެވެ.
ބްރޮޑްކާސްޓަރުން ކޮންޓެންޓް ގެނެސްދޭއިރު ދިވެހިރާއްޖޭގެ ޤާނޫނުތަކާއި، އާންމު އިޖްތިމާޢީ މިންގަނޑާއި ނޫސްވެރިކަމުގެ އަޚްލާޤީ މިންގަނޑަށް ފެތޭގޮތަށް ކޮންޓެންޓް ގެނެސްދިނުމަށް ހުރިހާ ބްރޮޑްކާސްޓަރުންނަށް އިލްތިމާސް ކުރާކަމަށެވެ.
ބްރޯޑްކާސްޓަރުން ފޮނުވާ ކޮންޓެންޓް ސުލޫކީ މިންގަނޑާއި އެއްގޮތަށް ބެހެއްޓުމަށް އިލްތިމާސްކުރުން. pic.twitter.com/9VMN4K8OZp
— MVbroadcom (@broadcomMV) December 1, 2024
މީގެއިތުރުން އެކޮމިޝަނުން ބުނެފައިވަނީ ބްރޮޑްކާށްޓުކުރުމުގެ ޤާނޫނުގެ 37ވަނަ މާއްދާގެ ދަށުން ބްރޮޑްކާސްޓަރުން ޢަމަލުކުުރުމަށް އެކުަލަވާލައިފައިވާ ކޯޑް އޮފް ޕްރެކްޓިސްގައި ކަނޑައަޅާފައިވާ ހަމަތަކާއި ގައިޑްލައިންތަކާއި އެއްގޮތަށް ކޮންޓެންޓް ފޮނުވުމަށްވެސް ބްރޯޑްކާސްޓަރުންނަށް އިލްތިމާސްކޮށް ހަނދާންކޮށްދޭ ކަމަށެވެ.
