ޚަބަރު
މިނިސްޓްރީ އޮފް އެގްރިކަލްޗަރ އެންޑް އެނިމަލް ވެލްފެއަރ ވަގުތީގޮތުން ހިންގަވާނީ ޑރ މަރްޔަމް މާރިޔާ
މިނިސްޓަރ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓް، ޑޮކްޓަރ މަރްޔަމް މާރިޔާ ފޮޓޯ:ރަސް އޮންލައިން
ޞިއްޙީ ޙާލަތު ހުރިގޮތުން މި މަޤާމުގައި ދެމިހުންނެވުމަށް ދަތިވާތީ މިނިސްޓަރ އޮފް އެގްރިކަލްޗަރ އެންޑް އެނިމަލް ވެލްފެއަރ، ޑޮކްޓަރ ޢާއިޝަތު ރަމީލާ،ވަނީ މިއަދު އިސްތިޢުފާ ދެއްވާފައެވެ.
ޑޮކްޓަރ ރަމީލާގެ އިސްތިޢުފާއާ ގުޅިގެން، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ވަނީ މިނިސްޓްރީ އޮފް އެގްރިކަލްޗަރ އެންޑް އެނިމަލް ވެލްފެއަރ ވަގުތީގޮތުން ހިންގެވުމާ މިނިސްޓަރ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓް، ޑޮކްޓަރ މަރްޔަމް މާރިޔާއާ ޙަވާލުކުރައްވާފައެވެ.
މި މަޤާމަށް ދާއިމީ ބޭފުޅަކު ޢައްޔަނުކުރެވެންދެން ޑޮކްޓަރ މާރިޔާ މި މިނިސްޓްރީ ހިންގަވާނެ ކަމަށް ރައީސް އޮފީހުން މަޢުލޫމާތު ދެއެވެ. އާ މިނިސްޓަރަކު ޢައްޔަނުކުރެއްވުމާ ބެހޭގޮތުން އިތުރު މަޢުލޫމާތެއް މިވަގުތު ލިބިފައެއް ނުވެއެވެ.
