ޤުރުއާން ހިތުދަސްކުރުމުގެ އަގުވަޒަންކޮށް ޙާފިޒާއަކަށް ޢުމްރާގެ ފުރުޞަތު ގެ ލިއުން ހަވާލުކޮށްފި

ކީރިތި ޤުރުއާން ހިތުދަސްކޮށް އިމްތިހާނު ނިންމާ ފަރާތްތަކަށް ހިތްވަރު ދިނުމުގެ ގޮތުން ކުރިއަށްގެންދާ ޚާއްޞަ ޕްރޮގްރާމެއްގެ ދަށުން، ގއ. ދެއްވަދޫ އަސްވާޑް، އަލްޙާފިޒާ ޝަބީނާ އާދަމްއަށް ޢުމްރާގެ އަޅުކަން އަދާކުރުމަށް ފުރުޞަތު ލިބިއްޖެއެވެ.

މިނިސްޓްރީ އޮފް އިސްލާމިކް އެފެއާޒުން އިއްޔެ ބޭއްވި ޚާއްޞަ ރަސްމިއްޔާތެއްގައި، އަލްޙާފިޒާ ޝަބީނާ އާދަމްއަށް ޢުމްރާ ދަތުރުގެ ލިޔުން ޙަވާލުކޮށްދެއްވީ މިނިސްޓަރ އޮފް އިސްލާމިކް އެފެއާޒް ޑރ. މުޙައްމަދު ޝަހީމްއެވެ.

މި ޕްރޮގްރާމަކީ ދިވެހިރާއްޖޭގައި ކީރިތި ޤުރުއާން ހިތުދަސްކުރުމުގެ ދާއިރާ ކުރިއެރުވުމަށާއި، މި މަތިވެރި އަޅުކަމަށް ޒުވާނުން ޝައުޤުވެރިކުރުވުމަށް ސަރުކާރުން ކުރިއަށްގެންދާ މަސައްކަތުގެ ތެރެއިން ހިންގާ ޕްރޮގްރާމެކެވެ.

ކީރިތި ޤުރުއާން ހިތު ދަސްކޮށް އިމްތިހާނު ނިންމާ ފަރާތްތަކަށް ހިތްވަރު ދިނުމުގެ ގޮތުން އުމްރާގެ އަޅުކަން އަދާކުރުމަށް ފޮނުވާ ޕްރޮގްރާމްގެ ދަށުން، އަލްޙާފިޒާ ޝަބީނާ އާދަމް، (އަސްވާޑް، ގއ. ދެއްވަދޫ) އަށް ޢުމްރާ ދަތުރުގެ ލިޔުން ޙަވާލުކުރުން. pic.twitter.com/73CBrxqQ9Y

— Ministry of Islamic Affairs (@MVIaffairs) December 1, 2024