ޚަބަރު
މަސްތުވާތަކެތީގެ ވިޔަފާރިން ހޯދާ މުދާ ދައުލަތަށް ނެގުމަށް ޤާނޫނަށް އިސްލާހު ހުށަހަޅައިފި

ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ ފޮޓޯ:މަޖިލިސް
މަސްތުވާތަކެތީގެ ވިޔަފާރިން ހޯދާ ފައިސާ އާއި މުދާ ދައުލަތަށް ނެގޭގޮތަށް މަސްތުވާތަކެއްޗާބެހޭ ޤާނޫނަށް އިސްލާހު ހުށަހަޅުއްވައިފިއެވެ. މި އިސްލާހު ރައްޔިތުންގެ މަޖިލީހަށް ހުށަހެޅުއްވީ ސަރުކާރުގެ ފަރާތުން ގަމު ދާއިރާގެ މެންބަރު ޔޫސުފް ނަޝީދެވެ.
މި އިސްލާހު ހުށަހެޅުއްވި ސަބަބުތަކުގެ ތެރޭގައި ރާއްޖޭގައި މަސްތުވާތަކެތީގެ ވިޔަފާރި އިތުރުވަމުން ދިއުމާއި، މަސްތުވާތަކެތި ބޭނުންކުރާ މީހުންގެ އަދަދު އިތުރުވަމުން ދިއުން ހިމެނެއެވެ. މީގެ އިތުރުން، މަސްތުވާތަކެއްޗާ ގުޅުންހުރި ކުށްތައް އިތުރުވަމުން ދިއުމާ ގުޅިގެން، މި ކަންކަން ހުއްޓުވުމަށް ޤާނޫނު ތަންފީޒުކުރާ ފަރާތްތަކަށް ލިބިދޭ ބާރުތައް އިތުރުކުރުމަށްވެސް މި އިސްލާހުގައި ހުށަހަޅުއްވާފައިވެއެވެ.
މި އިސްލާހުގެ މުހިންމު ބައެއް ކަންތައްތަކުގެ ތެރޭގައި:
- މަސްތުވާތަކެތީގެ ކުށްތަކުގައި ހޯދާ މުދަލާއި ފައިސާ ދައުލަތަށް ނެގޭގޮތަށް ބަދަލުކުރުން.
- ނޭޝަނަލް ޑްރަގް ކައުންސިލްގެ މެންބަރުންގެ އަދަދު 13 އަށް އިތުރުކުރުން.
- މަސްތުވާތަކެއްޗަށް ދެވިހިފާފައިވާ މީހުންނަށް ދެވޭ ފަރުވާގެ ނިޒާމު ހަރުދަނާކުރުން.
- ޑްރަގު ކޯޓު ހިންގުމުގެ އުސޫލުތަކާއި ފަރުވާގެ ޕްރޮގްރާމްތައް މުރާޖައާކުރުން.
- ރާއްޖެއަށް މަސްތުވާތަކެތި އެތެރެކުރުން ހުއްޓުވުމަށް ކަސްޓަމްސް އާއި ފުލުހުންނަށް ލިބޭ ބާރުތައް ހަރުކަށިކުރުން.
މި އިސްލާހު ފާސްވެއްޖެނަމަ، މަސްތުވާތަކެތީގެ ވިޔަފާރިއާ ދެކޮޅަށް ކުރެވޭ މަސައްކަތްތައް އަސައްކަތްތައް އިތުރަށް ހަރުދަނާވެ، މި ބާވަތުގެ ކުށްތައް މަދުކުރުމަށް އިތުރު ބާރެއް ލިބިގެންދާނެ ކަމަށް ބެލެވެއެވެ.