2021 ވަނަ އަހަރަު މުޅި ރާއްޖެއިން އެންމެ ވަރި ގިނައީ އައްޑޫގައި

2021 ވަނަ އަހަރު މުޅި ރާއްޖެއިން އެންމެ ވަރި ގިނައީ އައްޑޫގައި ކަމަށް މޯލްޑިވްސް ބިޔުރޯ އޮފް ސްޓެޓިކްޓިކްސް އިން ހާމަކޮށްފައިވާ ތަފާސްހިސާބު ތަކުން ދައްކައިފިއެވެ.

2021 ވަނަ އަހަރު އައްޑޫގައި 180 ވަރިއެއްވެ ރަޖިސްޓަރ ކޮށްފައިވެއެވެ. ދެވަނަ އަށް އެންމެ ގިނަ ޢަދަދެއްގެ ވަރިވެފައިވަނީ ހައްދުންމަތީގައެވެ. އެއީ 162 ވަރިއެކެވެ. ތިންވަނަ އަށް އެންމެ ގިނަ ޢަދަދަކަށް ވަރިވެފައިވަނީ ހދ.އަތޮޅުގައެވެ. އެއީ 158 ވަރިއެކެވެ. 

2021 ވަނަ އަހަރު މުޅި ރާއްޖޭގައި 3242 ވަރިއެއް ވެފައިވެއެވެ. 2021 ވަނަ އަހަރު އެންމެ މަދުން ވަރިވެފައިވާ އަތޮޅަކީ ވ.އަތޮޅެވެ. 

2021 ވަނަ އަހަރު އެންމެ ގިނައިން ވަރިވެފައިވަނީ 26 އަހަރާއި 39 އަހަރާއި ދެމެދުގެ އަންހެނުންނާއި ފިރިހެނުން ކަމަށް ތަފާސްހިސާބުތަކުން ދައްކައެވެ. 

ކައިވެނީގެ ތަފާސްހިސާބުތަކަށް ބަލާއިރު 2021 ވަނަ އަހަރު 5414 ކައިވެންޏެއް ކޮށްފައިވެއެވެ. 2021 ވަނަ އަހަރު އެންމެ ގިނައިން ކައިވެނި ކޮށްފައިވަނީ އައްޑޫ ސިޓީގައެެވެ. އެއީ 286 ކައިވެންޏެކެވެ. ދެވަނަ އަށް އެންމެ ގިނައިން ކައިވެނި ކޮށްފައިވަނީ ހދ.އަތޮޅުގައެވެ. އެއީ 242 ކައިވެންޏެކެވެ. ތިން ވަނައަށް އެންމެ ގިނައިން ކައިވެނި ކޮށްފައިވަނީ ހައްދުންމަތީގައެވެ. އެއީ 224 ކައިވެންޏެކެވެ. އެންމެމަދުން ކައިވެނި ކޮށްފައިވަނީވެސް ވ.އަތޮޅުގައި ކަން ފާހަގަކޮށްލަން ޖެހެއެވެ.

ތަފާސްހިސާބުތަކުން ދައްކާގޮތުން ދެއަންްބަށް ކުރެވުނު 166 ކައިވެންޏެއް ވަނީ ރަޖިސްޓަރ ކުރެވިފައެވެ.