ޚަބަރު
އެންސްޕާއިން ކެންސަރު ބަލިމީހަކަށް އެހީ ނުދިންކަމަށް ބުނާ ވާހަކަތައް ދޮގުކޮށްފި

އެންސްޕާގެ ސީއީއޯ ހީނާ ވަލީދު ފޮޓޯ:ޕީއެސްއެމް
ކެންސަރަށް ފަރުވާ ހޯދަމުންދާ މީހަކަށް އެހީ ހަމަޖައްސައި ނުދިންކަމަށް ބުނެ ސޯޝަލް މީޑިއާގައި ދެކެވެމުންދާ ވާހަކަތައް އެންސްޕާއިން ދޮގުކޮށްފިއެވެ. މިކަމާ ގުޅިގެން އެންސްޕާއިން ނެރުނު ބަޔާނެއްގައި ބުނެފައިވަނީ އެހީއަށް އެދުނު ފަރާތުން ކޮންމެ ފަހަރަކު ހުށަހެޅުމުން އެހީ ހަމަޖައްސައިދީފައިވާނެ ކަމަށެވެ.
އެންސްޕާގެ ބަޔާނުގައި ވިދާޅުވެފައިވާ ގޮތުގައި، މި ކެންސަރު ބަލިމީހާ އާސަންދަ އަދި ވެލްފެއަރ އެހީއަށް އެދި ޖުމްލަ 9 ފަހަރު ހުށަހަޅާފައިވެއެވެ. މި ހުރިހާ ފަހަރެއްގައިވެސް އެހީ ހަމަޖައްސައިދީފައިވާ ކަމަށް އެންސްޕާއިން ބުނެއެވެ. ފުރަތަމަ ފަހަރަށް އެހީއަށް އެދި ހުށަހަޅާފައިވަނީ 2023 ވަނަ އަހަރު ކަމަށާއި، އެންމެ ފަހުން އެހީ ހަމަޖައްސައިދީފައިވަނީ މިދިޔަ މަހު ކަމަށްވެސް އެންސްޕާއިން ހާމަކޮށްފައިވެއެވެ.
އެހީގެ ގޮތުގައި ދެވިފައިވަނީ ވެލްފެއަރ ކޭސްގެ ދަށުން ފައިސާގެ އެހީގެ އިތުރުން ޓިކެޓް ފައިސާވެސް ކަމަށް އެންސްޕާއިން ބުނެއެވެ. ކޮންމެ ފަހަރަކުވެސް ފައިސާގެ އެހީގެ ގޮތުގައި ދީފައިވަނީދީފައިވަނީ 200 ޑޮލަރާއި 250 ޑޮލަރާ ދެމެދުގެ އަދަދެއްގެ ދިވެހި ރުފިޔާ ކަމަށް އެންސްޕާއިން ވިދާޅުވެފައިވެއެވެ.
ކުރީގެ ސަރުކާރުގައި 1000 ޑޮލަރު ދިންކަމަށް ބުނާ މައްސަލައާ ގުޅޭގޮތުން އެންސްޕާއިން ބުނެފައިވަނީ، އެ ފައިސާ ދީފައިވާކަން އެއްވެސް ލިޔުމަކުން ނުވަތަ ސިސްޓަމަކުން ފެންނާކަށް ނެތް ކަމަށެވެ. އަދި އެފަދަ ގޮތަކަށް ފައިސާ ދޫކޮށްފައިވާނަމަ އެއީ އެހީ ހަމަޖައްސައިދެވޭ އުޞޫލުތަކާއި މިންގަނޑުތަކާ ޚިލާފު ކަމެއްކަންވެސް އެންސްޕާއިން ފާހަގަކޮށްފައިވެއެވެ.
މި މައްސަލައިގައި އެންސްޕާއިން ނެރުނު ބަޔާނުގެ މައިގަނޑު މަޤްޞަދަކީ ކެންސަރު ބަލިމީހާއަށް އެހީ ހަމަޖައްސައި ނުދިންކަމަށް ބުނެ ދެކެވޭ ވާހަކަތައް ދޮގުކޮށް، އެފަރާތަށް ގަވާއިދުން އެހީތެރިކަން ފޯރުކޮށްދީފައިވާކަން ކަށަވަރުކޮށްދިނުމެވެ.