ސައިންސް / ދުނިޔެ

އިނގިރޭސިވިލާތުގެ ގިނަ ކޯރުތަކުން މާމުއި ކުޅަނދުރަށް ގެއްލުންދޭ ޕެސްޓިސައިޑް ފެނިއްޖެ

އިނގިރޭސިވިލާތުގެ ގިނަ ކޯރުތަކުން މާމުއި ކުޅަނދުރަށް ގެއްލުންދޭ ޕެސްޓިސައިޑް ފެނިއްޖެ

މާމުއި ކުލަނދުރު ފޮޓޯ: އިންޓަނެޓް

އާމިނަތު ޔުމްނާ

އާމިނަތު ޔުމްނާ

03 ޑިސެމްބަރު 2024، 09:47

03 ޑިސެމްބަރު 2024، 09:47

ފާއިތުވި އަހަރު އިނގިރޭސިވިލާތުގެ ކޯރުތަކުގެ ފެނުގެ ސާމްޕަލްތަކުން މާމުއި ކުޅަނދުރަށް ގެއްލުންދޭ ޕެސްޓިސައިޑް ފެނިފައިވާކަމަށް ތިމާވެއްޓާއި ގުޅޭ ދެ ޖަމްޢިއްޔާއަކުން ހޯދާފައިވާ މަޢުލޫމާތުން ދައްކައިފިއެވެ.

ދަ ރިވަރސް ޓްރަސްޓް އަދި ވައިލްޑްލައިފް އެންޑް ކަންޓްރީސައިޑް ލިންކުން ހޯދާފައިވާ މަޢުލޫމާތުން ދައްކާގޮތުގައި 2023 އާއި 2024 އާ ދެމެދު އެންވަޔަރަންމަންޓް އޭޖެންސީން ޓެސްޓްކުރި އިނގިރޭސިވިލާތުގެ ކޯރުތަކުގެ 85 އިންސައްތައިން ނިއޯނިކޯޓިނޯއިޑް ޕެސްޓިސައިޑް ފެނިފައިވެއެވެ.

މި މަނާކުރެވިފައިވާ ޕެސްޓިސައިޑް ބޭނުންކުރުމަށް ކުރީގެ ސަރުކާރުން ހުއްދަދީފައިވަނީ  ބީޓްރޫޓު ގަސްތަކަށް ޖެހޭ ބައްޔަކާ ދެކޮޅަށް ކުއްލި ހާލަތެއްގައި ބޭނުންކުރުމަށެވެ. މިކަމާ ގުޅިގެން މިހާރު ވަނީ ތިމާވެށި، ކާބޯތަކެތި އަދި ގަހުގެ ކަންކަމާބެހޭ ޑިޕާޓްމަންޓް (ޑެފްރާ) ގެ މައްޗަށް ތަޙުޤީޤެއް ފަށާފައެވެ.

ހޯމަ ދުވަހު ސަރުކާރުން ވަނީ "މާމުއި ކުޅަނދުރާއި އެހެނިހެން މުހިންމު ޕޮލިނޭޓަރުންނަށް ނުރައްކާވާ ނިއޯނިކޯޓިނޯއިޑް ޕެސްޓިސައިޑް ބޭނުންކުރުން މަނާކުރުމަށް" ވަޢުދުވެފައެވެ.

އޮފީސް ފޮރ އެންވަޔަރަންމަންޓަލް ޕްރޮޓެކްޝަނުން މިހާރު ދަނީ 2023 އާއި 2024 ގައި  ބީޓްރޫޓު އޮށްތަކުގައި ނިއޯނިކޯޓިނޯއިޑްގެ ވައްތަރެއް ބޭނުންކުރުމަށް ޑެފްރާއިން ދިން ކުއްލި ހުއްދަ ތަޙުޤީޤުކުރަމުންނެވެ.

މި ޕެސްޓިސައިޑް ބޭނުންކުރުމުގެ ސަބަބުން މާމުއި ކުޅަންދުރާއި އެހެނިހެން ބޭނުންތެރި ސޫފާސޫފި ނެތިދިއުމުގެ ނުރައްކާ ބޮޑުވެފައިވާކަމަށް ތިމާވެށީގެ ޖަމްޢިއްޔާތަކުން ބުނެއެވެ. އަދި މިކަމާ ގުޅިގެން ސަރުކާރަށް ގޮވާލާފައިވަނީ މި ޕެސްޓިސައިޑް ބޭނުންކުރުން މަނާކުރުމުގެ ޤާނޫނު ތަންފީޒުކޮށް، އިތުރަށް ފުޅާކުރުމަށެވެ. އަދި އެންވަޔަރަންމަންޓް އޭޖެންސީން ކޯރުތައް މޮނިޓަރކުރުން ރަނގަޅުކުރުމަށްވެސް ގޮވާލާފައިވެއެވެ.
                    

މި ލިޔުން ކިޔާލުމުން

Ads by MSS