ދުނިޔެ

ފިލިޕީންސްގައި ވެލާމަސް ކައިގެން 3 މީހުން މަރުވެއްޖެ

ފިލިޕީންސްގައި ވެލާމަސް ކައިގެން 3 މީހުން މަރުވެއްޖެ

ވެލާ ފޮޓޯ:އިންޓަނެޓް

އާމިނަތު ޔުމްނާ

އާމިނަތު ޔުމްނާ

03 ޑިސެމްބަރު 2024، 10:23

03 ޑިސެމްބަރު 2024، 10:23

ފިލިޕީންސްގެ މަގުއިންދަނާއޯ ދެލް ނޯޓެ ޕްރޮވިންސްގައި އޮންނަ  ރަށެއްގައި ވެލާ މަސް ކައިގެން 3 މީހުން މަރުވެ، މަދުވެގެން 32 މީހުން ހޮސްޕިޓަލްގައި އެނދުމަތިވެއްޖެއެވެ. މިކަން ހިނގާފައިވަނީ ވޭތުވެދިޔަ ހަފްތާގައި ކަމަށް އޮފިޝަލުން ބުނެއެވެ.

ފިލިޕީންސްގެ ތިމާވެށި ރައްކާތެރިކުރުމުގެ ޤާނޫނުގެ ދަށުން ވެލާ ހިފުމާއި ކެއުން މަނާކޮށްފައިވީ ނަމަވެސް، ބައެއް މުޖުތަމަޢުތަކުގައި އަދިވެސް މިއީ ކާ އެއްޗެއްގެ ގޮތުގައި ބޭނުންކުރެއެވެ. ނަމަވެސް، ވިހަ އޮށެއް ކައިފައިވާ ވެލައެއް ކައިފިނަމަ، އޭގެ ސަބަބުން މީހުންނަށް ނުރައްކާވެއެވެ.

ފިލިޕީންސްގައި ވެލާމަސް ކައިގެން 3 މީހުން މަރުވެއްޖެ

ފިލިޕީންސް މީހުން ކެއި ވެލާގެ ތޮށިގަނޑު

މި ހާދިސާގައި ވެލާ މަސް ކެއުމުގެ ސަބަބުން ބަލިވި މީހުންގެ  ތެރެއިން ގިނަ ބަޔަކަށް ބޭރަށްހިންގުމާއި، ހޮޑުލުމާއި، ބަނޑުގައި ރިއްސުން ފަދަ އަލާމާތްތައް ފެނިފައިވެއެވެ. އަދި ހަމަ މި ވެލާމަސް ކާން ދިން ބައެއް ކުއްތާތަކާއި، ބުޅާތަކާއި، ކުކުޅުތައްވެސް މަރުވެފައިވާ ކަމަށް ލޯކަލް އޮފިޝަލެއް ކަމަށްވާ އައިރީން ދިއްލޯ  މަޢުލޫމާތު ދީފައިވެއެވެ.

މި ހާދިސާގައި މަރުވި 3 މީހުން ވަގުތުން ވަޅުލާަފައިވާ ކަމަށް ލޯކަލް މީޑިއާތަކުން ރިޕޯޓުކޮށްފައިވެއެވެ. އަދި ހޮސްޕިޓަލްގައި އެނދުމަތިކުރެވުނު ގިނަ މީހުން މިހާރު ވަނީ ޑިސްޗާޖްކޮށްފައެވެ.

މި ސަރަހައްދުގައި ވެލާ ހިފުން މަނާކުރުމުގެ ޤާނޫނު ހަރުދަނާކޮށް ތަންފީޒުކުރުމަށް އަންގާފައިވާ ކަމަށް ލޯކަލް ކައުންސިލަރެއް ކަމަށްވާ ދާތޫ މުހައްމަދު ސިންސުއާތު ޖޫނިއަރ ބުނެފައިވެއެވެ. އަދި މިފަދަ ކާބޯތަކެތީގެ ވިހަވުމުގެ ހާދިސާއެއް ދެން ތަކުރާރުނުވާނެ ކަމަށް އޭނާ ވަނީ ވަޢުދުވެފައެވެ.
                    

މި ލިޔުން ކިޔާލުމުން

Ads by MSS