Ads by Exprox

ޚަބަރު

ފުލުހުން ރައްޔިތުންގެ ހިމާޔަތާއި ރައްޔިތުންގެ ސަލާމަތަށްޓަކައި އެ ކުރައްވާ ބުރަ މަސައްކަތަށް ޝުކުރު ދަންނަވަން: ސީޕީ ޝުޖާޢު

ފުލުހުން ރައްޔިތުންގެ ހިމާޔަތާއި ރައްޔިތުންގެ ސަލާމަތަށްޓަކައި އެ ކުރައްވާ ބުރަ މަސައްކަތަށް ޝުކުރު ދަންނަވަން: ސީޕީ ޝުޖާޢު

ކޮމިޝަނަރ އޮފް ޕޮލިސް ޢަލީ ޝުޖާޢު.

ޙަސްނާ އަޙްމަދް

ޙަސްނާ އަޙްމަދް

03 ޑިސެމްބަރު 2024، 03:14

03 ޑިސެމްބަރު 2024، 03:14

ދިވެހި ފުލުހުން ރައްޔިތުންގެ ހިމާޔަތާއި ރައްޔިތުންގެ ސަލާމަތަށްޓަކައި އެ ކުރައްވާ ބުރަ މަސައްކަތަށް ޝުކުރު ދަންނަވާކަމަށް ކޮމިޝަނަރ އޮފް ޕޮލިސް ޢަލީ ޝުޖާޢު ވިދާޅުވެއްޖެއެވެ. 

ސީޕީ ޝުޖާޢު މިހެން ވިދާޅުވީ ފުލުހުންގެ ހަރަކާތް އިތުރުކުރުމަށް މިހާރު ފަށާފައިވާ މަސައްކަތާއި ގުޅޭގޮތުން ވާހަކަ ދައްކަވަމުންނެވެ. 

ސީޕީ ޝުޖާޢުގެ ވާހަކަފުޅުގައި އަމާންކަމާ ރައްކާތެރިކަން ކަށަވަރު މުޖުތަމަޢުއެއް ބިނާކުރުމަށް ފުލުހުން ކުރަމުންދާ ބުރަ މަސައްކަތަށް ތަޢުރީފު ކުރައްވައިފައިވެއެވެ. ޝުޖާޢުގެ ވާހަކަފުޅުގައި ވިދާޅުވެފައިވަނީ  ފްރޮންޓްލައިންގަ މަސައްކަތް ކުރާ ފުލުހުން ގާތްގަނޑަކަށް 12 ގަޑި އިރު މަސައްކަތް ކުރާކަމަށާއި،  ފުލުހުން ޤައުމަށްޓަަކއި ވަނީ ވަރަށް ބޮޑު ގުރުބާނީއެއް ކަމަށްވެސް ވިދާޅުވިއެވެ. 

ސީޕީ ވިދާޅުވީ ފުލުހުންގެ އާއިލާވެސް އޮންނާނެ ކަމަށާއި އަދި ކުރަންޖެހޭ އެހެނިހެން ކަންތައްތައްވެސް ހުންނާނެ ކަމަށެވެ. ނަމަވެސް މީގެ ކުރިން ހުހަށް ލިބުނު ވަރަށް ގިނަ ވަގުތުތަކެއް މިހާރު ފުލުހުން ހޭދަކުރަނީ ރައްޔިތުންގެ ޚިދުމަތުގައި ކަމަށެވެ. މުއައްސަސާގެ އެންމެ އިސް މީހެއްގެ ހައިސިއްޔަތުން ދިވެހި ފުލުހުން ރައްޔިތުންގެ ހިމާޔަތާއި ރައްޔިތުންގެ ސަލާމަތަށްޓަކައި އެ ކުރައްވާ ބުރަ މަސައްކަތް ފާހަގަކޮށް ހުރިހާ ފުލުހުންނަށް ޝުކުރު ދަންނަވާކަމަށް ކޮމިޝަނަރ އޮފް ޕޮލިސް ޢަލީ ޝުޖާޢު ވިދާޅުވިއެވެ. 

ޓްރެއިނިންގ ހެދުމަށްޓަކައި 300އަށް ވުރެ ގިނަ ފުލުހުން އުޅެމުންދާ ދުވަސްވަރެއްގައި އެ ފުލުހުންގެ މަސައްކަތްވެސް މިވަގުުތު ޑިއުޓީގައި އުޅެމުންދާ ފުލުހުން އަދާކުރައްވަމުންގެންދަވާ ކަމަށްވެސް ސީޕީގެ ވާހަކައިގައި ފާހަގަކުރެއްވިއެވެ.

ސީޕީ ޝުޖާޢު ވިދާޅުވީ މިވަގުތު ބުރަކޮށް މަސައްކަތް ކުރަން ޖެހުނުނަމަވެސް ޓްރެއިނިންގ ހަދަމުންދާ ފުލުހުން ޚިދުމަތަށް ނުކުތުމުން އާއިލާއެކީ ގިވަ ވަގުތު ހޭދަ ކުރުމުގެ ފުރުސަތު އެ ފުލުހުންނަށް ލިބޭނެ ކަމަށެވެ.

އަދި މިފަދަ ކޮންމެ ދަތި ވަގުތެއްގައި ފުލުހުން ހާމަކޮށްދެނީ ފުލުހުންގެ ޚިދުމަތުގެ ޚާއްސަކަން ކަމަށާއި ފުލުހުންނަކީ 24 ގަޑިއިރު ރައްޔިތުންގެ ސަލާމަތާއި ރައްކާތެރިކަމަށްޓަކައި ހޭލާ ތިބޭ ބައެއްކަން ސީޕީ ޝުޖާޢު ފާހާގަކުރެއްވިއެވެ.

 މާލެ ސަރަޙައްދުގައި ހިނގާ އެކްސިޑެންޓްތައް އިތުރުވަމުން ދިއުމާގުޅިގެން މާލެ ސަރަޙައްދު ބެލެހެއްޓުމުގައި ޚާއްސަ ސިޔާސަތުތަކެއް ކަނޑައަޅާ ތަންފިޒުކުރަން ފަށާފައިވާކަމަށް ސީޕީ ވިދާޅުވިއެވެ. 

މިހާރު މަގުތަކުގައި ބާރުބޮޑުވާ ގަޑިތަކުގައި މާލޭގެ 21 ސަރަޙައްދެއްގައި ފުލުހުން ހަރަކާތްތެރިވަމުން ގެންދާކަން ސިޕީ ފާހަގަކުރެއްވިއެވެ.

އަދި މި މަސައްކަތްތައް މޮނިޓަރކޮށް ވިލަރެސް ކުރުމަށް ޒަމާނީ ކޮމިއުނިކޭޝަން ސެންޓަރެއް މާލެ އަދި ހުޅުމާލޭގައި މިހާރު ވަނީ ޤާއިމުކޮށްފައިވާ ކަމަށާއި، ސީނިއަރ ފުލުހުން މި ސެންޓަރުގައި 24 ގަޑިއިރު ޑިއުޓީ ކުރަމުން ގެންދާކަމަށް ސީޕީ ވިދާޅުވިއެވެ. މުޅި މާލޭގެ ސީސީޓީވީ ނިޒާމް މަރުކަޒީކޮށް، ކޮންޓްރޯލްކޮށް މޮނިޓަރ ކުރަމުން ގެންދާނީ މި ސެންޓަރުގައި ކަމަށް ސީޕީ ވިދާޅުވިއެވެ.

މި ލިޔުން ކިޔާލުމުން

Ads by MSS