ޚަބަރު
ނުކުޅެދުންތެރިކަން ހުންނަ މުވައްޒަފުންގެ މަސައްކަތާއިމެދު ފަހުރުވެރިވޭ : އެމްޑީ ފަހުމީ
ސްޓެލްކޯގެ މެނޭޖިން ޑިރެކްޓަރު ހުސެއިން ފަހުމީ ފޮޓޯ:އެކްސް
ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) ގެ ގައި މަސައްކަތްކުރާ ނުކުޅެދުންތެރިކަން ހުންނަ މުވައްޒަފުން މުޖުތަމަޢުއަށް ސާބިތުކޮށްދެމުންދަނީ، ތަފާތުކުރުމެއްނެތި ފުރުޞަތު ލިބިދީފިނަމަ ކޮންމެ މީހަކީވެސް މަސައްކަތުގެ މާޙައުލާއި މުޖުތަމަޢުގައި ފުރިހަމައަށް ޙިއްޞާވެވޭނެ މީހެއްކަމުގައިކަން އެކުންފުނީގެ މެނޭޖިންގ ޑައިރެކްޓަރ ޙުސައިން ފަހުމީ ވިދާޅުވެއްޖެއެވެ.
ފަހުމީ މިހެން ވިދާޅުވެފައިވަނީ ބައިނަލް އަޤްވާމީ ނުކުޅެދުންތެރިކަން ހުންނަ ފަރާތްތަކުގެ ދުވަހާއި ގުޅިގެން އެކްސް ގައި ކުރެއްވި ޕޯސްޓެއްގައެވެ. މި ޕޯސްޓުގައި އިތުރަށް ފާހަގަކުރެއްވި ގޮތުގައި، ސްޓެލްކޯގައި ނުކުޅެދުންތެރިކަން ހުންނަ 50 މުވައްޒަފުން ކުންފުނީގެ އެހެން މުވައްޒަފުންނެކޭ އެއްފަދައިން މުހިންމު ދައުރެއް އަދާކުރެއެވެ.
އަދި މިއީ އެކަމަކާއި މެދު ނުހަނު ފަހުރުވެރިވެލައްވާ ކަމެއްގެ ގޮތުގައި އެމްޑީ ފަހުމީ ވަނީ ފާހަގަ ކުރައްވާފައެވެ.
