މިއަހަރުގެ ނޮވެންބަރުގެ ނިޔަލަށް ނުކުޅެދުންތެރިކަން ހުންނަ 13،000 އަށްވުރެ ގިނަ މީހުން ރަޖިސްޓަރކޮށްފައިވޭ

މިއަހަރުގެ ނޮވެންބަރުގެ ނިޔަލަށް ނުކުޅެދުންތެރިކަން ހުންނަ ފަރާތްތަކަށް ދެވޭ މާލީ އެހީއަށް އެދި 13،000 އަށްވުރެ ގިނަ މީހުން ރަޖިސްޓަރ ކޮށްފައިވާ ކަމަށް ނޭޝަނަލް ސޯޝަލް ޕްރޮޓެކްޝަން އޮތޯރިޓީ އިން ބުނެފިއެވެ.

އެއޮތޯރިޓީ އިން މިއަދު ހާމަކޮށްފައިވާ އަދާ ހަމަތަކުން ދައްކާގޮތުން އެންމެ ގިނަ ޢަދަދެއްގެ ބަޔަކު މާލީ އެހީއަށް އެދި ރަޖިސްޓަރ ކޮށްފައިވަނީ ޖިސްމާނީ ނުކުޅެދުން ތެރިކަން ހުންނަ ގިންތީގައެވެ. އެއީ 1723 އަންހެނަކާއި 2189 ފިރިހެނެކެވެ. 

މީގެއިތުރުން މަލްޓިޕަލް ޑިސްއޯޑާސް ތައް ހުންނަ 1045 އަންހެނަކާއި 1916 ފިރިހެނަކު ވަނީ ރެޖިސްޓަރ ވެފައެެވެ. ސިކުނޑީގެ ނުކުޅެދުންތެރިކަން ހުންނަ 852 އަންހެނަކާއި 1102 ފިރިހެނަކު ރަޖިސްޓަރ ވެފައިވާކަން ފާހަގަކޮށްލަންޖެހެއެވެ.

އެންމެ މަދުން އެންސްޕާގައި މާލީ އެހީއަށް އެދި ރެޖިސްޓަރ ކޮށްފައިވަނީ އުނގެނުމުގައި ނުކުޅެދުންތެރިކަން ހުންނަ ފަރާތްތަކެވެ. އެއީ 52 ފަރާތެކެވެ. 

އެންސްޕާ އިން ހާމަކޮށްފައިވާ އަދާހަމަތައް.

މިއަދަކީ ބައިނަލް އަޤްވާމީ ގޮތުން ފާހަގަކުރެވޭ ނުކުޅެދުންތެރި ކަން ހުންނަ މީހުންގެ ދުވަހެވެ.