ޚަބަރު
އެފްޑީސީގެ ދަށަށް ގުޅީފަޅު ބަދަލުކުރަނީ

ގުޅީފަޅުގެ މަތިން ނަގާފައިވާ ފޮޓޯއެއް. ފޮޓޯ: އަވަސް
ފަހި ދިރިއުޅުން ކޯޕަރޭޝަންގެ ދަށަށް ގުޅީފަޅު ބަދަލުކުރުމަަށް ނިންމައިފިއެވެ.
އެފްޑީސީ އިން މިކަމާ ގުޅިގެން ބުނެފައިވަނީ ގުޅީފަޅު އެ ކުންފުނީގެ ދަށަށް ބަދަލުކުރުމަށްޓަކައި ކުރަން ޖެހޭ މަސައްކަތްތައް ކުރަމުންދާކަމަށެވެ.
އެގޮތުން ލިޔެކިޔުންތައް ބަދަލުކުރުމާއި ކަމާގުޅޭ މަޝްވަރާތައް ކުރިއަށްދާކަމަށް އެ ކުންފުނިން ބުނެފައިވެއެވެ. އަދި ގުޅީފަޅާ ގުޅޭގޮތުން ހަދާފައި ހުރި އެގްރިމަންޓުތައް ރިވިއު ކުރުމުގެ މަސައްކަތް ވެސް ކުރިއަށް ގެންދާކަމަށް އެފްޑީސީން ބުނެއެވެ.
އެޗްޑީސީން އެފްޑީސީއަށް ގުޅީފަޅު ދިނުމަށް ނިންމާފައިވާއިރު، ކެބިނެޓުން ވަނީ އެފްޑީސީއަކީ އެޗްޑީސީގެ ސަބްސިޑަރީ ކުންފުންޏެއްގެ ގޮތުގައި ހަމަޖެއްސުމަށް ނިންމައިފައެވެ. މިއާއެކު ސަރުކާރުގެ ހުރިހާ އިޖްތިމާޢީ ބޯހިޔާވަހިކަމުގެ މަޝްރޫޢުތައް ހިންގާނީ އެފްޑީސީގެ ތެރެއިންނެވެ.
ގުޅީފަޅުގެ ބިމުގެ ބޮޑު ބަޔަކީ ބޯހިޔާވަހިކަމަށް ޚާއްޞަކޮށްފައިވާ ބިމެކެވެ.