ދުނިޔެ / ވިޔަފާރި

ނިއުޕޯޓް ކައުންސިލާ ދެކޮޅަށް ބިޓްކޮއިން ހާޑް ޑްރައިވް ހޯދުމަށް ދަޢުވާ އުފުލި މީހާއަށް ރިޝްވަތުގެ ތުހުމަތު

ނިއުޕޯޓް ކައުންސިލާ ދެކޮޅަށް ބިޓްކޮއިން ހާޑް ޑްރައިވް ހޯދުމަށް ދަޢުވާ އުފުލި މީހާއަށް ރިޝްވަތުގެ ތުހުމަތު

ޖޭމްސް ހައުވެލްސް ފޮޓޯ:ބީބީސީ

އާމިނަތު ޔުމްނާ

އާމިނަތު ޔުމްނާ

04 ޑިސެމްބަރު 2024، 09:31

04 ޑިސެމްބަރު 2024، 09:31

ގާތްގަނޑަކަށް 600 މިލިއަން ޕައުންޑުގެ އަގުހުރި ބިޓްކޮއިން ހުރި ކަމަށް ބުނާ ހާޑް ޑްރައިވެއް ކުނިގޮނޑަކުން ހޯދުމަށް މަސައްކަތްކުރާ މީހަކު ކައުންސިލަށް ރިޝްވަތު ދޭން މަސައްކަތްކުރާ ކަމަށް ކޯޓުގައި ބުނެފިއެވެ.

ނިއުޕޯޓް ކައުންސިލުން ހައި ކޯޓުގެ ފަނޑިޔާރަކަށް އެދިފައިވަނީ ޖޭމްސް ހައުވެލްސް ކިޔާ މީހަކު އުފުލާފައިވާ ދަޢުވާ ބާތިލުކޮށްދިނުމަށެވެ. ހައުވެލްސް މަސައްކަތްކުރަނީ ކުނިގޮނޑަށް ވަދެވޭނެ ގޮތް ހޯދުމަށް ނުވަތަ 495 މިލިއަން ޕައުންޑުގެ ބަދަލު ހޯދުމަށެވެ.

ކައުންސިލުގެ ވަކީލު ޖޭމްސް ގައުޑީ ކޭސީ ބުނެފައިވަނީ ހައުވެލްސް ހުށަހަޅާފައިވާ ބިޓްކޮއިންގެ 10 އިންސައްތަ ރަށުގެ މުޖުތަމަޢުއަށް ހަދިޔާކުރުމުގެ ހުށަހެޅުމަކީ ކައުންސިލަށް "ހިއްސާގެ ބައެއް" ދިނުމަށް ހުށަހަޅައި "އަވަސްއަރުވާލައިގެން" ކަންތައް ކުރުމަށް ބާރުއަޅާ ކަމެއް ކަމަށެވެ.

ހައުވެލްސްގެ ވަކީލު ޑީން އާމްސްޓްރޯންގ ކޭސީ ބުނެފައިވަނީ "ރިޝްވަތު" ގެ ވާހަކައަކީ "ހިތާމަވެރި އަދި ބޭކާރު" ބަހެއް ކަމަށާއި އޭނާގެ މުވައްކިލަށް ބިޓްކޮއިން ހޯދުމަށް ކުނިގޮނޑަށް ވަނުމުގެ ހައްގު އޮތް ކަމަށެވެ.

ކާޑިފްގައި ބޭއްވުނު އަޑުއެހުމަށްފަހު ފަނޑިޔާރު ކީސަރ ކޭސީ ވިދާޅުވީ ފަހުން ނިންމުމެއް އިއްވާނެ ކަމަށެވެ.

ހައުވެލްސް ބޭނުންވަނީ ޑޮކްސްވޭ ކުނިގޮނޑަށް ވަދެވޭނެ ގޮތް ހޯދުމަށެވެ. އޭނާ ބުނާ ގޮތުގައި އޭނާގެ ކުރީގެ ޕާޓްނަރަކު އޮޅުމަކުން ޑިޖިޓަލް ވޮލެޓް އެކުލެވޭ ހާޑް ޑްރައިވް އެތަނަށް ވަނީ އެއްލާލާފައެވެ.

މި އަޑުއެހުމުގެ ބޭނުމަކީ މި މައްސަލަ ފުލް ޓްރަޔަލަކަށް ގެންދަންވީތޯ ކަނޑައެޅުމެވެ. ހައުވެލްސް ވަނީ 2013 ވަނަ އަހަރު އޭނާގެ ކުރީގެ ޕާޓްނަރަކު އޮޅުމަކުން ބިޓްކޮއިން ވޮލެޓް އެކުލެވޭ ހާޑް ޑްރައިވް އެއްލާލެވިފައިވާ ކަމަށް ބުނެފައެވެ. އޭނާއަކީ ކްރިޕްޓޯކަރަންސީ ތަޢާރަފުވި އިރު އޭގެ ބޭނުން ކުރަން ފެށި މީހެކެވެ. އަދި މިހާރުގެ އަގާ އަޅާބަލާއިރު ވަރަށް ކުޑަ އަގެއްގައި ބިޓްކޮއިން "މައިން" ކޮށްފައިވާ މީހެކެވެ.

ހައުވެލްސް ގާނޫނީ ފިޔަވަޅު އެޅުމުން ކައުންސިލުން ވަނީ ހައިކޯޓުގައި އަޑުއެހުމަކަށް އެދި ޓްރަޔަލަކަށް ދިޔުމުގެ ކުރިން މި ދަޢުވާ ބާތިލުކޮށްދިނުމަށް ފަނޑިޔާރު އަރިހުން އެދިފައެވެ.

މި ލިޔުން ކިޔާލުމުން

Ads by MSS